അന്താരാഷ്ട്ര ക്രിക്കറ്റിൽ തുടർച്ചയായി രണ്ട് സെഞ്ച്വറികൾ നേടിയ ശേഷം ക്രിക്കറ്റിലെ നിരവിധി മഹാരഥൻമാരാണ് സഞ്ജു സാംസണെ അഭിനന്ദിച്ച് കൊണ്ട് രംഗത്തെത്തിയത്. ടി20 ഫോർമാറ്റിൽ ഓപ്പണിംഗിൽ ഇറങ്ങി സ്ഥിരതയുള്ള പ്രകടനം കാഴ്ചവെക്കുന്ന സഞ്ജുവിനെ ആസ്ഥാനത്ത് സ്ഥിരമായി കാണാൻ കഴിയുമെന്ന പ്രതീക്ഷയിലാണ് ആരാധകരും. ടി20 ഫോർമാറ്റിൽ തുടർച്ചായി സെഞ്ച്വറിനേടിയ സഞ്ജുവിനെ മുൻ ഇന്ത്യൻ പരിശീലകനായ രവി ശാസ്ത്രി, മുൻ ഇന്ത്യൻ താരങ്ങളായ മുഹമ്മദ്കൈഫ് ,സുരേഷ് റെയ്ന , ഹർഭജൻ സിംഗ് എന്നിവരെല്ലാം അഭിനന്ദിച്ചിരുന്നു.സഞ്ജുവിനെ ക്രിക്കറ്റിന്റെഎല്ലാ ഫോർമറ്റിലും കളിപ്പിക്കണമെന്ന് പറഞ്ഞുകൊണ്ട് രംഗത്തെത്തിയിരിക്കുകയാണ് മുൻ ദക്ഷിണാഫ്രിക്കൻ വിക്കറ്റ് കീപ്പർ ബാറ്റ്സ്മാനായ എബി ഡിവില്ലിയേഴ്സ്. താൻ സഞ്ജുവിന്റെ ആരാധകനായി മാറിയെന്നും താരം തന്റെ യൂട്യൂബ് ചാനലിലൂടെ പറഞ്ഞു. മികച്ച ഫോമിൽ തുടരുന്ന സഞ്ജുവിന്റെ സെഞ്ച്വറി പ്രകടനത്തെ പരാമർശിച്ചായിരുന്നു താരത്തിന്റെ പ്രതികരണം