അടൂര്‍ പള്ളിക്കലില്‍ അച്ഛനെയും അമ്മയെയും അടക്കം 3 പേരെ വീട്ടില്‍ പൂട്ടിയിട്ട ശേഷം യുവാവ് വീട് അടിച്ചു തകര്‍ത്തു. ഗ്യാസ് സിലിണ്ടര്‍ തുറന്നുവിട്ടു. വര്‍ഗീസ് ഡാനിയേല്‍ എന്നയാളുടെ മകന്‍ ജോമിനാണ് ഇന്നലെ രാത്രി അതിക്രമം കാണിച്ചത്. വര്‍ഗീസ് ഡാനിയേലിനെയും അദ്ദേഹത്തിന്റെ ഭാര്യയെയും സഹോദരിയെയും അകത്ത് പൂട്ടിയിട്ടതിന് ശേഷം പുറത്തിറങ്ങി വീടിന്റെ ജനല്‍ചില്ലുകളും മറ്റും അടിച്ചുപൊട്ടിക്കുകയായിരുന്നു. വീട്ടുകാര്‍ അറിയിച്ചതിനെ തുടര്‍ന്ന് ഫയര്‍ഫോഴ്‌സെത്തിയാണ് വീട്ടിലുണ്ടായിരുന്നവരെ സുരക്ഷിതമായി പുറത്തെത്തിച്ചത്. മാനസിക ബുദ്ധിമുട്ടുള്ളയാണ് മകനെന്ന് പൊലീസ് വ്യക്തമാക്കുന്നു. മദ്യലഹരിയിലായിരുന്നു അതിക്രമം. സംഭവത്തില്‍ വീട്ടുകാ്ര്‍ പരാതി നല്‍കിയിട്ടില്ല.