കരുവന്നൂർ കള്ളപ്പണ ഇടപാട് കേസിൽ സി പി എം തൃശ്ശൂർ ജില്ലാ സെക്രട്ടറി എം എം വർഗീസ് ഇന്നും ഇ ഡിക്കു മുന്നിൽ ഹാജരായില്ല.
ഇന്ന് വീണ്ടും ഹാജരാകാനായിരുന്നു എൻഫോഴ്സ്മെൻറ് ഡയറക്ടറേറ്റിന്റെ നിർദ്ദേശം. ഇതാണ് വർഗീസ് അവഗണിച്ചത്.
നേരത്തെ നോട്ടീസ് അയച്ചപ്പോൾ മെയ് ദിനം ആയതിനാൽ ഹാജരാകാൻ കഴിയില്ലെന്ന മറുപടിയാണ് അദ്ദേഹം നൽകിയത്.
കഴിഞ്ഞ ദിവസം വർഗീസിനെ എട്ടു മണിക്കൂറിലേറെ ഇഡി ചോദ്യം ചെയ്തിരുന്നു.
ചോദ്യംചെയ്യലിന് ഹാജരാകുന്നുണ്ടെങ്കിലും അന്വേഷണത്തോട് വർഗീസ് സഹകരിക്കുന്നില്ലെന്നാണ് ഇ ഡി പറയുന്നത്.