‘ഷുഗര് കൂട്ടാന് കെജ്രിവാള് ജയിലില് മാങ്ങയും മധുരപലഹാരങ്ങളും കഴിക്കുന്നു’; ജാമ്യം ലഭിക്കാനുള്ള സൂത്രമെന്ന് ഇഡി
അരവിന്ദ് കെജ്രിവാളിനെതിരെ ഡല്ഹി ഹൈക്കോടതിയില് ഇഡി.
ഡല്ഹി മുഖ്യമന്ത്രി അരവിന്ദ് കെജ്രിവാള് തന്റെ രക്തത്തിലെ പഞ്ചസാരയുടെ അളവ് കൂടുതലാണെന്ന് അവകാശപ്പെടുമ്പോള്, അദ്ദേഹം മാങ്ങയും മധുര പലഹാരവും പഞ്ചസാര ഇട്ട ചായയും കഴിക്കുകയാണെന്ന് എന്ഫോഴ്സ്മെന്റ് ഡയറക്ടറേറ്റ്(ഇഡി) കോടതിയെ അറിയിച്ചു.
കള്ളപ്പണം വെളുപ്പിക്കല് കേസില് ജാമ്യം ലഭിക്കാനായി മധുരം കഴിച്ച് പഞ്ചസാരയുടെ അളവ് കൂട്ടാനാണ് കെജ്!രിവാള് ആഗ്രഹിക്കുന്നതെന്ന് ഇഡിയുടെ പ്രത്യേക അഭിഭാഷകന് സുഹേബ് ഹുസൈന് പ്രത്യേക ജഡ്ജി കാവേരി ബവേജയോട് പറഞ്ഞു.
വെര്ച്വല് കോണ്ഫറന്സിലൂടെ തന്റെ സ്ഥിരം ഡോക്ടറെ ജയിലില് കാണാന് അനുവദിക്കണമെന്ന കെജ്രിവാളിന്റെ അപേക്ഷ കോടതി പരിഗണിക്കുകയായിരുന്നു.
തന്റെ പഞ്ചസാരയുടെ അളവ് മാറിക്കൊണ്ടിരിക്കുകയാണെന്നും സ്ഥിരമായുള്ള ഡോക്ടറെ സമീപിക്കാന് ആഗ്രഹിക്കുന്നെന്നും കെജ്രിവാള് പറഞ്ഞു. മെച്ചപ്പെട്ട അപേക്ഷ നല്കാനാണ് അപേക്ഷ പിന്വലിക്കുന്നതെന്ന് കെജ്രിവാൾ പറഞ്ഞു