തെരഞ്ഞെടുപ്പ് ചട്ടലംഘനം നടത്തിയ സുരേഷ് ഗോപിക്കെതിരെ നിയമനടപടികൾ സ്വീകരിക്കണമെന്ന് എൽഡിഎഫ്.
എൻഡിഎ സ്ഥാനാർത്ഥി സുരേഷ് ഗോപി പ്രചരണ ബോർഡുകളിൽ ഇടതുപക്ഷ ജനാധിപത്യമുന്നണി നേതാവും മുൻ എം പിയും ചലച്ചിത്ര നടനുമായ ഇന്നസെന്റിന്റെ ചിത്രം വെച്ചതിലുമാണ് എൽഡിഎഫ് പരാതി നൽകിയത്.
ജില്ലാ കളക്ടർക്ക് മുന്നിൽ ഇരിങ്ങാലക്കുട മണ്ഡലം തെരഞ്ഞെടുപ്പ് കമ്മിറ്റി സെക്രട്ടറി പി. മണിയാണ് പരാതി നൽകിയത്.
ഇന്നസെന്റിന്റെ കുടുബത്തിന്റെയോ മുന്നണിയുടെയോ യാതൊരുവിധ അനുമതിയില്ലാതെയാണ് ചിത്രം ആലേഖനം ചെയ്തത്.
ഇതിനെതിരെയാണ് പരാതി ഉയർന്നത്. ഇതേ തുടർന്ന് ദുരുപയോഗം ചെയ്ത് സ്ഥാപിച്ച ബോർഡുകൾ മാറ്റണമെന്നും പരാതിയിൽ ആവശ്യപ്പെട്ടിട്ടുണ്ട്.