അമൃതം ആയുർവ്വേദം

ഡോ.എംഎൻ.ശശിധരൻ,കോട്ടയം

ഛർദ്ദി
1 ഉപ്പ് ചേർത്ത ചെറുനാരങ്ങാ നീരു ഒരു ചെറിയ സ്പൂൺ വീതം പ്രായമായവർക്കും, 15 തുള്ളി വീതം കുട്ടികൾക്കും, 3 തുള്ളിവീതം ശിശുക്കൾക്കും ഇടയ്ക്കിടെ കൊടുത്തുകൊണ്ടിരുന്നാൽ ഛർദ്ദി പെട്ടെന്നു തന്നെ ശമിക്കും.
2 കൊത്തമല്ലി ചതച്ച് ചേർത്തു വെന്ത വെള്ളം ഇടയ്ക്കിടെ കുറേശ്ശേ കുടിക്കുന്നത് ഛർദ്ദിക്ക് ശമനമുണ്ടാക്കും.
3 കഠിനമായ ഛർദ്ദിയില്ലെങ്കില് കരിക്കിൻ വെള്ളമോ, നാരങ്ങാവെള്ളമോ ഇടയ്ക്കിടെ കുടിക്കുകയും വിശ്രമിക്കുകയും ചെയ്താൽ ഛർദ്ദി ശമിക്കും.
4 5 തുളസിയിലയും 3 ഏലത്തരിയും 100 മില്ലി വെള്ളത്തിലരച്ചു ചേര്ത്തു ഇടയ്ക്കിടെ കുറേശ്ശെ സേവിച്ചാൽ ഛർദ്ദി ശമിക്കും.
5 പച്ചനെല്ലിക്കാ 5 എണ്ണം കുരു കളഞ്ഞ് ഒരു പിടി ഉണക്കമുന്തിരിയുമായി ചതച്ച് 250 മില്ലി വെള്ളത്തിൽ ചേർത്തു പിഴിഞ്ഞ് അരിച്ച് പഞ്ചസാരയും തേനും ചേർത്ത് യോജിപ്പിച്ച് ഇടയ്ക്കിടെ കുറേശ്ശേ കുടിച്ചാൽ ഛർദ്ദിയും മാറും. ക്ഷീണവും തീരും.
രക്തശുദ്ധിക്ക്
1 അത്തിപ്പഴം കല്ക്കണ്ടം ചേർത്തു പതിവായി കഴിച്ചാൽ രക്തശുദ്ധി ഉണ്ടാകും.
2 ആഴ്ചയിൽ രണ്ടു പ്രാവശ്യമെങ്കിലും പാവയ്ക്കാ കറിവച്ച് ധാരാളമായി കഴിക്കുക.
3 മഞ്ഞളും കറിവേപ്പിലയും ധാരാളമായി കറികളിൽ അരച്ചു നിത്യേന ഉപയോഗിക്കുക.
4 തഴുതാമ ഇലയും മുരിങ്ങയിലയും കൂവളത്തിലയും കൃഷ്മതുളസിയിലയും 5 ഗ്രാം വീതം ശുദ്ധജലത്തില് കഴുകി അരച്ച് പച്ചമോരിൽ കലക്കി കാലത്ത് സേവിച്ചാൽ രക്തശുദ്ധി ഉണ്ടാകും.
5 പതിവായി നെല്ലിക്കാ 3 എണ്ണം ചവച്ചിറക്കി 1 സ്പൂണ് തേനും പുറമേ സേവിക്കുക. രക്തശുദ്ധി ഉണ്ടാകും.

രക്താതിമർദ്ധത്തിന് (ഹൈ. ബി.പി.)
1 ഇഞ്ചിനീരില് ചെറുതേന് ചേര്ത്തു സേവിക്കുക.
2 ചുക്ക് ചതച്ചിട്ട് വെന്ത വെള്ളത്തിൽ അല്പം കായം കലർത്തി ദിവസം 1 പ്രാവശ്യം സേവിക്കുക.
3 മുരിങ്ങയില 15 ഗ്രാം അരച്ച് പച്ചമോരില് കലക്കി പതിവായി ഭക്ഷണത്തിന് 30 മിനിറ്റ് മുന്പ് സേവിക്കുക.
4 5 ചുള വെളുത്തുള്ളി പതിവായി കാലത്തു കടുംകാപ്പിയോടൊപ്പം ഓരോന്നായി ചവച്ചിറക്കുക.
5 വെളുത്തുള്ളിയും മുരിങ്ങയിലയും ചതച്ചിട്ട് കാച്ചിയ പാല് രാത്രി കിടക്കാന് നേരം പതിവായി സേവിക്കുക.
ത്വക്ക് രോഗങ്ങൾ മാറാൻ
1 മഞ്ഞളും കറിവേപ്പിലയും തുളസി ഇലയും ചതച്ചിട്ട് വെന്തെടുത്ത കഷായ ജലം പതിവായി മൂന്നുനേരം സേവിക്കുക.
2 ആടലോടകത്തിന് വേര്, വേപ്പിന്തൊലി, അമൃത്വള്ളി ഇവ ചതച്ച കഷായമാക്കി പതിവായി കുടിക്കുക.
3 പാവയ്ക്കാനീരു 60 മില്ലി എടുത്തു അതിൽ 1 ചെറുനാരങ്ങായുടെ നീരും ചേർത്തു അതിരാവിലെ മൂന്നു മാസം തുടർച്ചയായി സേവിക്കുക. 4 ഈന്തപ്പഴം മൂന്നെണ്ണംവീതം ദിവസവും കാലത്തു കഴിക്കുകയും രാത്രി കിടക്കാന് നേരം 1 ഗ്ലാസ്സ് തക്കാളിനീരു തേന് ചേർത്തു കുടിക്കുകയും ചെയ്താൽ ത്വക്ക്രോഗങ്ങൾ മാറും.
5 തേക്കിന്കൂമ്പ്, ചെത്തിപ്പൂവ്, കൊന്നത്തൊലി ഇവ പൊടിച്ച് വെളിച്ചെണ്ണ ചേര്ത്ത് കാച്ചിയെടുത്ത് പുറമേ പുരട്ടുക. ത്വക്ക് രോഗം ശമിക്കും.

ചർമ്മ രക്ഷയ്ക്കും സൗന്ദര്യത്തിനും
1 അശ്വഗന്ധം പൊടിച്ച് പാലു ചേര്ത്ത് കുഴച്ച് പെയ്സ്റ്റാക്കി രണ്ട് സ്പൂൺ ഒലിവോയിലും ചേർത്തു യോജിപ്പിച്ച് പുറമേ പുരട്ടി 20 മിനിറ്റ് കഴിഞ്ഞ് ചെറുചൂടുവെള്ളത്തില് കുളിക്കുക.
2 1 ഗ്ലാസ്സ് പശുവിന് പാലില് 2 ഗ്രാം വെളുത്ത ചന്ദനം അരച്ച് ചേർത്ത് പതിവായി കാലത്ത് സേവിക്കുക.
3 ഒരുപിടി കറുത്ത തുളസിയില ചതച്ചു പിഴിഞ്ഞ നീരും 1 സ്പൂൺ തേനും ചേര്ത്തു പതിവായി കാലത്തു സേവിക്കുക.
4 ഉഴുന്ന്, കടല, ചന്ദനം, രാമച്ചം, ഇരുവേലി, കസ്തൂരിമഞ്ഞള്, പതുമുകം ഇവ സമം ഉണക്കി പൊടിച്ച് ആവശ്യത്തിന് എടുത്ത് രാമച്ചമിട്ട് തിളപ്പിച്ച വെള്ളത്തില് കലക്കി കുഴമ്പാക്കി ദേഹത്തു തേച്ചു പിടിപ്പിച്ചശേഷം 20 മിനിറ്റ് കഴിഞ്ഞ് ശുദ്ധജലത്തിൽ തേച്ചുകഴുകി കുളിക്കുക.
5 നാടൻ വെള്ളരിക്കാ ഇടിച്ചുപിഴിഞ്ഞ നീരു ആവശ്യത്തിനെടുത്തു തുല്യഅളവില് പശുവിൻ പാല് ചേർത്തു മുഖത്തും നിറഭേദമുള്ള ഭാഗങ്ങളിലും പല പ്രാവശ്യം പുരട്ടി പിടിപ്പിക്കുക. എപ്പോഴും താഴെനിന്ന് മുകളിലേക്ക് തിരുമ്മാൻ ശ്രദ്ധിക്കുക. രണ്ടാഴ്ച ചെയ്താൽ ചർമ്മം സുന്ദരമാകും.