മുനമ്പത്തെ 615 കുടുംബങ്ങൾ വില കൊടുത്തു വാങ്ങിയ ഭൂമിയുടെ കരം റവന്യൂ വകുപ്പിന് സ്വീകരിക്കാമെന്ന ഹൈക്കോടതിയുടെ ഇടക്കാല ഉത്തരവ് സ്വാഗതാർഹവും ആശ്വാസകരവും ആണെന്ന് കേരള കോൺഗ്രസ് എം ചെയർമാൻ ജോസ് കെ മാണി.കഴിഞ്ഞ കുറെ വർഷങ്ങളായി മുനമ്പം നിവാസികൾക്ക് ഏതെങ്കിലുമൊരു ബാങ്ക് വായ്പ എടുക്കാനോ വിദ്യാഭ്യാസ വായ്പക്ക് അപേക്ഷിക്കാനോ കഴിയാത്ത സാഹചര്യമായിരുന്നു നിലനിന്നിരുന്നത്.മുനമ്പം നിവാസികളുടെ റവന്യൂ അവകാശങ്ങൾ സംരക്ഷിക്കുവാൻ എൽഡിഎഫ് സർക്കാർ പ്രതിജ്ഞാബദ്ധമാണ്.ഘട്ടം ഘട്ടമായി ഇതിനുള്ള നടപടികൾ സ്വീകരിക്കുവാൻ കേരള കോൺഗ്രസ് എം സർക്കാരിൽ ശക്തമായ സമ്മർദ്ദം ചെലുത്തുമെന്നും ജോസ് കെ മാണി പറഞ്ഞു