പെരുമ്പാവൂരിലെയും പരിസര പ്രദേശങ്ങളിലെയും വർധിച്ചുവരുന്ന ലഹരി ഉപയോഗം തടയുന്നതിനായി ആഭ്യന്തര വകുപ്പ് ആവിഷ്കരിച്ച പ്രത്യേക പദ്ധതിയായ ‘ഓപ്പറേഷൻ തൂഫാന്റെ’ ഭാഗമായി ആഭ്യന്തരമന്ത്രി രമേശ് ചെന്നിത്തല ഇന്ന് പെരുമ്പാവൂർ സന്ദർശിക്കും.പ്രദേശത്തെ ലഹരിമാഫിയക്കെതിരെ ശക്തമായ പ്രതിരോധം തീർക്കുക എന്ന ലക്ഷ്യത്തോടെയാണ് ആഭ്യന്തര വകുപ്പിന്റെ ഈ അടിയന്തര ഇടപെടൽ.സന്ദർശനത്തിന്റെ ഭാഗമായി നാട്ടുകാരും വിദ്യാർത്ഥികളും പങ്കെടുക്കുന്ന ‘ജനസഭ’യിൽ മന്ത്രി സംസാരിക്കും.തുടർന്ന് പെരുമ്പാവൂരിലെ പ്രശസ്തമായ ‘ഭായി’ കോളനി സന്ദർശിക്കുന്ന അദ്ദേഹം, അവിടെയുള്ള ഇതരസംസ്ഥാന തൊഴിലാളികളുമായി നേരിട്ട് സംവദിക്കുകയും ലഹരി വിരുദ്ധ സന്ദേശം പങ്കുവെക്കുകയും ചെയ്യും.