മുഖ്യമന്ത്രിയുടെ മകള് വീണ വിജയന്റെ കമ്പനിയും സിഎംആര്എല്ലും തമ്മില് നടത്തിയ സാമ്പത്തിക ഇടപാടിലെ അന്വേഷണത്തില് അടിയന്തര പ്രമേയത്തിന് നോട്ടീസ് നല്കി പ്രതിപക്ഷം.
മാത്യു കുഴല്നാടന് എംഎല്എയാണ് അടിയന്തരപ്രമേയത്തിന് നോട്ടീസ് നല്കിയിരിക്കുന്നത്. മുഖ്യമന്ത്രിയുടെ മകളും കെഎസ്ഡിസിക്ക് പങ്കാളിത്തമുള്ള സിഎംആര്എല് കമ്പനിയില് നിന്നും നല്കാത്ത സേവനങ്ങള്ക്ക് പണം കൈപറ്റിയെന്ന വിഷയത്തില് സീരിയസ് ഫ്രോഡ് ഇന്വെസ്റ്റിഗേഷന് ഓഫീസിന്റെ അന്വേഷണം സഭ നിര്ത്തിവച്ച് ചര്ച്ച ചെയ്യണമെന്നാണ് നോട്ടീസിലെ ആവശ്യം. പണം കൈപറ്റിയ വിഷയത്തില് ഇന്കം ടാക്സ് ഇന്ററിം സെറ്റില്മെന്റ് ബോര്ഡിന്റെയും ആര്ഓസിയുടെയും ഗുരുതരമായ കണ്ടെത്തലുകളും ചര്ച്ച ചെയ്യണമെന്ന് നോട്ടീസില് ആവശ്യപ്പെട്ടിട്ടുണ്ട്.