നാലാമത് അഖിലഭാരത പാണ്ഡവീയ മഹാവിഷ്ണുസത്രം 2024 മെയ് 11 മുതൽ 18 വരെ തിരുവൻവണ്ടൂർ മഹാവിഷ്ണുക്ഷേത്രത്തിൽ നടത്തപ്പെടുന്നു.
വൈശാഖ മാസാചരണത്തോടെ അനുബന്ധിച്ച് അഞ്ചു മഹാക്ഷേത്രങ്ങളിൽ നടക്കുന്ന ചടങ്ങുകൾക്ക് തുടക്കം കുറിക്കുന്നത് ഒൻപതിന് രാവിലെ ആറുമണിക്ക് തിരുവാറന്മുള ക്ഷേത്രത്തിൽ നിന്ന് ആരംഭിക്കുന്ന ചൈതന്യ രഥഘോക്ഷയാത്രയോടെയാണ്.
മെയ് 11ന് വൈകുന്നേരം പഞ്ചമഹാവിഷ്ണു രഥ ഘോഷയാത്ര ക്ഷേത്രസന്നിധിയിൽ എത്തിച്ചേരുന്നതോടുകൂടി സത്രത്തിന് ആരംഭം കുറിക്കും.
സത്രത്തിന്റെ ഉദ്ഘാടനം മെയ് 12 ന് വൈകിട്ട് 4 മണിക്ക് ഗോവ ഗവർണർ ഡോക്ടർ. പി എസ് ശ്രീധരൻ പിള്ള നിർവഹിക്കും.
സത്ര ആചാര്യ സ്ഥാനം വഹിക്കുന്നത് അഡ്വക്കേറ്റ് ടി ആർ രാമനാഥൻ വടക്കൻ പറവൂർ ആണ്
മെയ് 18ന് വൈകുന്നേരം സത്രത്തിന് സമാപനം കുറക്കുകയും, അറുപത്തിയൊന്നാമത് ശ്രീ ഗോശാലകൃഷ്ണ വിഗ്രഹലബ്ദി മഹായജ്ഞത്തിൻ്റെ ഭാഗമായുള്ള സമൂഹസദ്യയും, കൂട്ടപ്രാർത്ഥനയും നടക്കും.
മെയ് 19ന് ചരിത്ര പ്രസിദ്ധമായ ഘോഷയാത്രയും, ഗജമേളയും കുടമാറ്റവും നടക്കും.
സത്രത്തിൽ ഗവർണർമാർ, കേന്ദ്ര -സംസ്ഥാന മന്ത്രിമാർ ,സാംസ്കാരിക ചലച്ചിത്ര രംഗത്തെ പ്രമുഖർ ഉൾപ്പെടെയുള്ളവർ പങ്കെടുക്കും.
പാടൽപ്പെറ്റ 108 വൈഷ്ണവ തിരുപ്പതികളിൽ പ്രധാനമായും പാണ്ഡവ തിരുപ്പതികൾ എന്ന് പ്രസിദ്ധമായ തൃച്ചിറ്റാറ്റ്, തൃപ്പുലിയൂർ തിരുവാറന്മുള, തിരുവൻവണ്ടൂർ, തൃക്കൊടിത്താനം ക്ഷേത്രങ്ങളിൽ പൗരാണിക കാലം മുതൽ ആചരിച്ചു വരുന്ന വൈശാഖമാസ തീർത്ഥാടനത്തിന്റെ ഭാഗമായി നടത്തപ്പെടുന്ന മഹായജ്ഞമാണ് പാണ്ഡവീയ മഹാവിഷ്ണുസത്രം.
ചെയർമാൻ ബി രാധാകൃഷ്ണമേനോൻ, ജന കൺവീനർ എസ് കെ രാജീവ്, സജു ഇടക്കല്ലിൽ ശ്രീരാജ് ശ്രീവിലാസം എന്നിവർ നേതൃത്വം നൽകും.