മൂന്നു കോടിയുടെ പെൻഷൻ ഫണ്ട് തട്ടിപ്പ്, കോട്ടയം നഗരസഭയിൽ വീണ്ടും സസ്പെൻഷൻ.
നഗരസഭ സെക്രട്ടറിയുടെ പി.എ ടു സെക്രട്ടറി കൂടിയായ ഡെപ്യൂട്ടി മുനിസിപ്പൽ സെക്രട്ടറി ഫില്ലിസ് ഫെലിക്‌സിനെയാണ് മേൽനോട്ട വീഴ്‌ച ചൂണ്ടിക്കാട്ടി സസ്‌പെൻ്റ് ചെയ്‌തത്.
നഗരസഭയിലെ പെൻഷൻ വിഭാഗം കൈകാര്യം ചെയ്‌തിരുന്ന അഖിൽ സി.വർഗീസ് നടത്തിയ തട്ടിപ്പിന് വ്യക്തിപരമായ ഉത്തരവാദിത്വമുണ്ടെന്നും, ഇവർക്ക് മേൽനോട്ട വീഴ്‌ചയുണ്ടെന്നും തദ്ദേശ സ്വയംഭരണ വകുപ്പ് ജില്ലാ ജോയിൻ്റ് ഡയറക്ടർ റിപ്പോർട്ട് ചെയ്‌തിരുന്നു.
ഇതിന് പിന്നാലെയാണ് ഇപ്പോൾ ഇവരെയും സർവീസിൽ നിന്നും സസ്‌പെൻ്റ് ചെയ്‌തത്.
സംഭവത്തിൽ നേരത്തേ മൂന്ന് ജീവനക്കാരെ സസ്പെൻഡ് ചെയ്‌തിരുന്നു.
കേസിലെ പ്രതി അഖിൽ സി. വർഗീസ് ഇപ്പോഴും ഒളിവിലുമാണ്. ഇയാളെയും സസ്പെൻഡ് ചെയ്‌ത്ഉത്തരവായിരുന്നു.