റെസിഡൻസ് പ്രതിനിധി-മുഖ്യമന്ത്രി സംവാദം

രണ്ടായിരത്തോളം റസിഡന്റ്‌സ് അസോസിയേഷന്‍ പ്രതിനിധികളുമായി മുഖ്യമന്ത്രി പിണറായി വിജയന്‍ സംവദിക്കും.

പരിപാടി ഞായറാഴ്ച്ച (മാര്‍ച്ച് 3ന്) രാവിലെ 9ന് എറണാകുളം കടവന്ത്ര രാജീവ്ഗാന്ധി ഇന്‍ഡോര്‍ സ്റ്റേഡിയത്തില്‍.

തദ്ദേശ സ്വയംഭരണ വകുപ്പ് മന്ത്രി എം.ബി രാജേഷ് അധ്യക്ഷത വഹിക്കും. 

വ്യവസായ വകുപ്പ് മന്ത്രി പി. രാജീവ് വിശിഷ്ടാതിഥിയാകും.

ടി.ജെ വിനോദ് എം.എല്‍.എ, കൊച്ചി കോര്‍പ്പറേഷന്‍ മേയര്‍ അഡ്വ. എം അനില്‍കുമാര്‍ എന്നിവര്‍ മുഖ്യാതിഥികളായി പങ്കെടുക്കും.

പരിപാടിയില്‍ ജി.എസ് പ്രദീപ് മോഡറേറ്റർ.

മുഖാമുഖത്തില്‍ പങ്കെടുക്കുന്നതിനുള്ള രജിസ്ട്രേഷന്‍ രാവിലെ എട്ടു മുതല്‍ ആരംഭിക്കും.

ഫെബ്രുവരി 18ന് കോഴിക്കോട് ആരംഭിച്ച മുഖാമുഖം പരിപാടിയാണ്  മാര്‍ച്ച് 3ന് എറണാകുളത്ത് സമാപനം കുറിക്കുന്നത്.

ഫെബ്രുവരി 22ന് നെടുമ്പാശേരിയില്‍ സംഘടിപ്പിച്ച മുഖാമുഖം സ്ത്രീസദസ് വന്‍ പങ്കാളിത്തമായിരുന്നു.

വിദ്യാര്‍ഥികള്‍, യുവജനങ്ങള്‍, സ്ത്രീകള്‍, ആദിവാസികള്‍, ദളിത് വിഭാഗങ്ങള്‍, സാംസ്‌കാരിക പ്രവര്‍ത്തകര്‍, ഭിന്നശേഷിക്കാര്‍, പെന്‍ഷന്‍കാര്‍, വയോജനങ്ങള്‍, തൊഴിലാളികള്‍, കര്‍ഷകര്‍ തുടങ്ങി സമൂഹത്തിലെ വിവിധ മേഖലകളിലെ പ്രതിനിധികള്‍ വിവിധ വേദികളിലായി നടന്ന മുഖാമുഖം പരിപാടിയില്‍ പങ്കെടുത്തിരുന്നു.