തിരുവനന്തപുരത്തെ കേരള യൂണിവേഴ്സിറ്റി ഹോസ്റ്റലിൽ അതിക്രമിച്ചു കയറി വിദ്യാർത്ഥികളെ ക്രൂരമായി ആക്രമിച്ച പോലീസ് നടപടി ഹീനമാണ്. യാതൊരു പ്രകോപനവും കൂടാതെ വിദ്യാർത്ഥികൾ താമസിക്കുന്ന ഹോസ്റ്റലിൽ കയറി കണ്ണിൽ കണ്ട വിദ്യാർത്ഥികളെയാകെ ക്രൂരമായി മർദ്ധിക്കുന്ന സ്ഥിതിയാണ്.വിഷയം അറിഞ്ഞ് എത്തിയ എസ്എഫ്ഐ സംസ്ഥാന സെക്രട്ടറി സഞ്ജീവിനെ ഉൾപ്പെടെ മൃഗീയമായി ആക്രമിക്കുകയാണ് പോലീസ്.യൂത്ത് കോൺഗ്രസിന്റെയും കോൺഗ്രസിന്റെയും വാലുകളായി മാറി അവരുടെ വാക്കും കേട്ട് വിദ്യാർത്ഥികൾക്ക് നേരെ ഇത്തരത്തിലുള്ള ഹീനമായ ആക്രമണം നടത്തിയത് കേരളത്തിലെ യുവജന പ്രസ്ഥാനം കൈയും കെട്ടി നോക്കിയിരിക്കില്ല.ഹോസ്റ്റലിൽ കയറി വിദ്യാർത്ഥികളെ തല്ലിച്ചതക്കാൻ പൊലീസിന് ആരാണ് അധികാരം നൽകിയത്. ഹോസ്റ്റലിലേക്ക് തീപ്പന്തം എറിഞ്ഞ യൂത്ത് കോൺഗ്രസുകാരെ പുറത്ത് നിർത്തി പോലീസ് ഹോസ്റ്റലിലേക്ക് കയറിയത് ആരുടെ നിർദേശ പ്രകാരമാണ്. ഹോസ്റ്റലിലെ വിദ്യാർഥികളുടെ തല തല്ലിപ്പൊളിക്കാൻ മാത്രം എന്ത് വിഷയമാണ് ഇന്ന് ഉണ്ടായത്?ഈ രീതിയിൽ അക്രമം അഴിച്ചുവിടാനാണ് തീരുമാനം എങ്കിൽ വിദ്യാർത്ഥികളെ സംരക്ഷിക്കാൻ ഡിവൈഎഫ്ഐ രംഗത്തിറങ്ങും.തെരുവിൽ നേരിടേണ്ട വരെ തെരുവിൽ തന്നെ നേരിടും.തിരുവനന്തപുരം യൂണിവേഴ്സിറ്റി ഹോസ്റ്റലിൽ വിദ്യാർത്ഥികളെ ആക്രമിച്ച പോലീസ് നടപടിയിൽ ഡിവൈഎഫ്ഐ സംസ്ഥാന സെക്രട്ടേറിയറ്റ് ശക്തമായ പ്രതിഷേധം രേഖപ്പെടുത്തുന്നു.