വിവാദങ്ങളിൽ പെട്ട രാഹുൽ മാങ്കൂട്ടം എം എൽ എ 38 ദിവസത്തിന് ശേഷം പാലക്കാട് മണ്ഡലത്തിൽ എത്തി. പ്രാദേശിക കോൺഗ്രസ് നേതാവിൻ്റെ വീട്ടിൽ എത്തിയ അദ്ദേഹം 10.30 ഓടെ എം എൽ എ ഓഫീസിൽ എത്തുമെന്നാണ് കരുതുന്നത്. എന്നാൽ ഇന്ന് രാഹുൽ എംഎൽഎ ഓഫീസിൽ എത്തില്ലായെന്നും, പ്രാദേശിക നേതാക്കളെ കണ്ട് വിവാദങ്ങളിൽ തൻ്റെ നിലപാട് അറിയിക്കുകയാണ് ആദ്യപടിയെന്ന നിലയിൽ ഇന്ന് ചെയ്യുകയെന്നും റിപ്പോർട്ടുണ്ട്.സിപിഎം , ബിജെപി പ്രവർത്തകർ മാങ്കൂട്ടത്തെ മണ്ഡലത്തിൽ കാൽകുത്താൻ അനുവദിക്കുകയില്ലായെന്ന് നേരത്തെ പ്രഖ്യാപിച്ചിരുന്നു. അതുകൊണ്ട് തന്നെ രാഹുലിനെതിരെ ശക്തമായ പ്രതിക്ഷേധം ഉണ്ടാകുവാൻ സാധ്യതയുണ്ട്.