കനത്ത മഴ തുടരുന്ന ഈ സാഹചര്യത്തിൽ ഭാരതപ്പുഴയിൽ നീരൊഴുക്ക് വർധിച്ചു.
ഈ സാഹചര്യം കണക്കിലെടുത്ത് വെള്ളിയാങ്കല്ല് തടയണയുടെ അഞ്ച് ഷട്ടറുകൾ ഉയർത്തി. 50 സെൻ്റീമീറ്റർ വീതമാണ് ഷട്ടറുകൾ ഉയർത്തിയത്.
ചങ്ങണാംകുന്ന് റഗുലേറ്ററിൽ ജലനിരപ്പ് ഉയരുന്ന സാഹചര്യത്തിൽ വെള്ളിയാങ്കല്ല് തടയണയുടെ കൂടുതൽ ഷട്ടറുകൾ ഉയർത്താൻ സാധ്യത ഉണ്ടെന്നും
പുഴയിലിറങ്ങുന്നവരും തീരദേശവാസികളും ജാഗ്രത പാലിക്കണമെന്നും ബന്ധപ്പെട്ട അധികൃതർ അറിയിച്ചിട്ടുണ്ട്.
പരമാവധി മൂന്നര മീറ്റർ സംഭരണ ശേഷിയാണ് തടയണയിൽ ഉള്ളത്. ഇപ്പോഴത്തെ ജലനിരപ്പ് 3.15 മീറ്റർ ആണ്.