പത്തനംതിട്ട റാന്നിയില് യുവാവിനെ കാറിടിച്ച് കൊലപ്പെടുത്തിയ കേസില് പ്രതികള് പിടിയില്. റാന്നി ചേത്തയ്ക്കല് സ്വദേശികളായ അരവിന്ദ്, ശ്രീക്കുട്ടന്, അജോ എന്നിവരാണ് പിടിയിലായത്. എറണാകുളത്തുനിന്നാണ് മൂന്ന് പ്രതികളും പിടിയിലായത്. 24 വയസുള്ള അമ്പാടി സുരേഷാണ് മരിച്ചത്. ബിവറേജസ് കോര്പ്പറേഷനു മുന്നില് ഇരു സംഘങ്ങള് തമ്മില് ഉണ്ടായ വാക്ക് തര്ക്കമാണ് അരുംകൊലയില് എത്തിയത്.ഗുണ്ടാസംഘങ്ങള് തമ്മിലുള്ള കുടിപ്പക എന്ന പോലെയാണ് നടുറോഡില് അരുംകൊല ഇന്നലെ രാത്രി എട്ടുമണിയോടെയാണ് സംഭവം. മന്ദമരുതിയില് വാഹന അപകടത്തില് ഒരാള് മരിച്ചു എന്ന് വിവരം ആയിരുന്നു പോലീസിന് കിട്ടിയത്. എന്നാല് ദേഹത്തെ പരുക്കുകള് സംശയത്തിന് ഇടയാക്കി. അന്വേഷണത്തിലാണ് കൊലപാതക വിവരം വെളിപ്പെടുന്നത്.