മൂന്നാറിലെ പടയപ്പയെ നിയന്ത്രിക്കാനും നിരീക്ഷിക്കാനും പ്രത്യേക വനംവകുപ്പ് സംഘത്തെ നിയോഗിക്കും.
വന്യജീവി ആക്രമണങ്ങളുമായി ബന്ധപ്പെട്ട നിരീക്ഷണങ്ങള്ക്കും മറ്റുമായി നിലവിലുള്ള വിവിധ ജാഗ്രതാസമിതികള്ക്കു പുറമെ രാഷ്ട്രീയ നിരീക്ഷണ സമിതി രൂപികരിക്കും.
ഇടുക്കി ജില്ലയില് വന്യജീവിശല്യം തടയാനായുള്ള റാപിഡ് റെസ്പോണ്സ് ടീമുകള് കൂടുതല് വിപുലീകരിക്കുമെന്ന് ജലവിഭവവകുപ്പ് മന്ത്രി റോഷി അഗസ്റ്റിന്.
ഇടുക്കി കളക്ടറേറ്റില് സംഘടിപ്പിച്ച സര്വകക്ഷി യോഗത്തില് സംസാരിക്കുകയായിരുന്നു മന്ത്രി.
വന്യമൃഗങ്ങള്ക്ക് വനത്തില് തന്നെ ഭക്ഷണവും വെള്ളവും എത്തിച്ചു കൊടുക്കുന്നത് സംബന്ധിച്ച് വിശദമായ പഠനം നടത്തും.
കൂടുതല് സ്ഥലങ്ങളില് എ ഐ ക്യാമറകള് സ്ഥാപിക്കും.
ഫെന്സിങ് സാധ്യമല്ലാത്തിടത്ത് മറ്റുമാര്ഗങ്ങള് സ്വീകരിക്കും.
മിനി ഹൈമാസ്റ്റ്ലെറ്റുകള് സ്ഥാപിക്കും.
വന്യമൃഗങ്ങളുടെ സഞ്ചാരം സംബന്ധിച്ച് മുന്നറിയിപ്പുകള് വനംവകുപ്പ് നല്കുന്നുണ്ട്.
ഇത് കൂടുതല് വ്യാപിപ്പിക്കുമെന്നും മന്ത്രി പറഞ്ഞു.