കള്ളക്കടൽ പ്രതിഭാസത്തെത്തുടർന്ന് അമ്പലപ്പുഴയിൽ കടൽക്ഷോഭം രൂക്ഷം.
50 ലധികം വീടുകളിൽ വെള്ളം കയറി.
അമ്പലപ്പുഴ കോമന, പുറക്കാട് കരൂർ,വളഞ്ഞവഴി, നീർക്കുന്നം,വണ്ടാനം തുടങ്ങിയ പ്രദേശങ്ങളിലാണ് കടൽക്ഷോഭം ശക്തമായത്.
വീടുകളിൽ വെള്ളം കയറിയതിനെത്തുടർന്ന് നിത്യോപയോഗ സാധനങ്ങളും വിദ്യാർത്ഥികളുടെ പഠനോപകരണങ്ങളും ഉൾപ്പെടെ കടലെടുത്തു.
ഈ പ്രദേശങ്ങളിലൊന്നും കടൽഭിത്തിയില്ലാത്തതാണ് തീരവാസികളുടെ ദുരിതം വർധിക്കാൻ കാരണമായത്.