രാജ്യാന്തര വില ഉയരുമ്പോഴും സർവകാല റെക്കോർഡിൽ എത്തിയ റബർ ആഭ്യന്തര വില 3 ദിവസമായി 235 രൂപയിൽ തുടരുന്നു.
ഇന്നലെ ആഭ്യന്തര മാർക്കറ്റിൽ ആർഎസ്എസ് 4 കിലോയ്ക്ക് 234 രൂപ നിരക്കിൽ വ്യാപാരം നടന്നതായി ഇന്ത്യൻ റബർ ഡീലേഴ്സ് ഫെഡറേഷൻ ഭാരവാഹികൾ പറഞ്ഞു.
രാജ്യാന്തര വില 212.92 രൂപയിൽ എത്തി.
ജൂൺ 10നാണ് റബർ വില 200 രൂപ കടന്നത്.
ഇന്നലെ കോട്ടയം, കൊച്ചി മാർക്കറ്റിൽ റബർ ബോർഡ് വില 247 രൂപയാണ്. അഗർത്തല മാർക്കറ്റ് വില 235 രൂപയാണ്. ടാപ്പിങ് പൂർണ തോതിൽ എത്തിയതും ഇറക്കുമതി റബർ വരുന്നതിനാലും വില വീണ്ടും കുറയുമെങ്കിലും വലിയ രീതിയിൽ കുറയില്ലെന്നും വ്യാപാരികൾ അഭിപ്രായപ്പെട്ടു