നൂറ്റാണ്ടിലധികമായി തുടരുന്ന യാക്കോബായ-ഓർത്തഡോക്സ് സഭാ തര്ക്കത്തിന് പ്രധാനമന്ത്രി നരേന്ദ്ര മോദിയുടെ ഇടപെടലിലൂടെ വരും മാസങ്ങളില് ശാശ്വത പരിഹാരം കാണുമെന്ന് ട്വന്റി 20 സംസ്ഥാന പ്രസിഡന്റ് സാബു എം. ജേക്കബ്.
പെരുമ്പാവൂരിലെ എന്.ഡി.എ സ്ഥാനാര്ഥി ജിബി പാത്തിക്കലിന്റെ തിരഞ്ഞെടുപ്പ് പ്രചാരണാര്ത്ഥം സംഘടിപ്പിച്ച കണ്വെന്ഷനില് സംസാരിക്കുകയായിരുന്നു അദ്ദേഹം. പ്രശ്നപരിഹാരത്തിനായി കേന്ദ്ര ന്യൂനപക്ഷ മന്ത്രാലയത്തെ പ്രധാനമന്ത്രി നേരത്തെ തന്നെ ചുമതലപ്പെടുത്തിയിരുന്നു. ചില സാങ്കേതിക കാരണങ്ങളാലാണ് ചര്ച്ചകള് നീണ്ടുപോയത്. എന്നാല് അടുത്ത ആറുമാസത്തിനുള്ളില് ഇതിന് അന്ത്യമുണ്ടാകുമെന്ന് അദ്ദേഹം ഉറപ്പുനല്കിയതായി സാബു ജേക്കബ് വ്യക്തമാക്കി.