കളമശ്ശേരി പോളിടെക്നിക് ഹോസ്റ്റലില്‍നിന്ന് കഞ്ചാവ് പിടികൂടിയ സംഭവത്തില്‍ അറസ്റ്റിലായ കരുനാഗപ്പള്ളി തൊടിയൂർ നോർത്ത് ആർ.അഭിരാജിനെ (21) എസ്.എഫ്.ഐ പുറത്താക്കിവെള്ളിയാഴ്ച നടന്ന യൂണിറ്റ് സമ്മേളനത്തിലാണ് അഭിരാജിനെ പുറത്താക്കിയത്. എസ്എഫ്ഐ സംസ്ഥാന സെക്രട്ടറി പി.എസ്. സഞ്ജീവ് ആണ് ഇക്കാര്യം അറിയിച്ചത്.ശനിയാഴ്ച പിടിയിലായ കെഎസ്‍യു നേതാക്കളെ പൂർവ വിദ്യാർഥികളായി മാത്രം മാധ്യമങ്ങള്‍ അവതരിപ്പിച്ചുവെന്നും സഞ്ജീവ് പറഞ്ഞു. ജയിലില്‍ കിടക്കുന്ന മൂന്നു പേരും കെഎസ്‍യു നേതാക്കളാണ്.കഞ്ചാവ് വേട്ടയില്‍ മാധ്യമങ്ങള്‍ പക്ഷപാതപരമായി വാർത്തകള്‍ കൊടുത്തുവെന്നും എസ്‌എഫ്‌ഐയെ ബോധപൂർവം ആക്രമിക്കാനുള്ള ആയുധമായി സംഭവം ഉപയോഗിക്കുകയാണെന്നും സഞ്ജീവ് പറഞ്ഞു.