കോട്ടയം നഗരസഭയുടെ വൈസ് ചെയർപേഴ്സണായി ഷീബാ പുന്നൻ തെരഞ്ഞെടുക്കപ്പെട്ടു. ഉച്ചകഴിഞ്ഞ് കോട്ടയം നഗരസഭ കൗൺസിൽ ഹാളിൽ നടന്ന വൈസ് ചെയർപേഴ്സൺ തെരഞ്ഞെടുപ്പിലാണ് ഷീബാ പുന്നൻ 31 വോട്ടുകൾ നേടി വിജയിച്ചത്. കോൺഗ്രസ് കൗൺസിലറായ സനിൽ കാണക്കാലിനെ ഹൃദയ സംബന്ധമായ അസുഖത്തെ തുടർന്ന് ആശുപത്രിയിൽ പ്രവേശിപ്പിച്ചതിനാൽ വോട്ടെടുപ്പിൽ പങ്കെടുത്തില്ല. എൽഡിഎഫിലെ ഷിജാ അനിലിന് 15 വോട്ടും, എൻ ഡി എ യിലെ ദിവ്യ സുജിത്തിന് 6 വോട്ടും ലഭിച്ചു.ഇത് മൂന്നാമത് ഷീബ തവണയാണ് കോട്ടയം നഗരസഭ കൗൺസിലറാകുന്നത്. ദേവലോകം 16-ാം വാർഡിൽ നിന്നും 490 വോട്ടിൻ്റെ ഭൂരിപക്ഷത്തിനായിരുന്നു ഇത്തവണത്തെ വിജയം.കോട്ടയം ഈസ്റ്റ് മണ്ഡലം പ്രസിഡൻ്റായ ഷീബ, മഹിളാ കോൺഗ്രസ് മുൻ സംസ്ഥാന ജനറൽ സെക്രട്ടറിയുമാണ്.