കേരളമടക്കം പന്ത്രണ്ടു സംസ്ഥാനങ്ങളില് പ്രഖ്യാപിച്ച വോട്ടർപട്ടിക തീവ്രപരിഷ്കരണത്തിന്റെ (എസ്.ഐ.ആർ) ഭാഗമായി സംസ്ഥാനത്ത് എന്യുമറേഷൻ ഫോമുകളുടെ വിതരണം ഇന്നാരംഭിക്കും. ബൂത്ത് ലവല് ഓഫിസർ (ബിഎല്ഒ) വീടുകളിലെത്തിയാണ് ഫോം നല്കുക. ബിഎല്ഒ നല്കുന്ന അപേക്ഷയും എന്യുമറേഷൻ ഫോമും പൂരിപ്പിച്ച് ഒപ്പിട്ടു നല്കണം. ആവശ്യമെങ്കില് രേഖകളും നല്കണം.
എന്യുമറേഷൻ പൂരിപ്പിക്കാൻ എന്തൊക്കെ വിവരങ്ങള് വേണം?
01.07.1987 നും 02.12.2004 നും ഇടയില് ഇന്ത്യയില് ജനിച്ചവരാണെങ്കില്
താഴെ കൊടുത്തിരിക്കുന്ന പട്ടികയില് നിന്ന് ജനനത്തീയതിയും ജനനസ്ഥലവും വ്യക്തമാക്കുന്ന ഏതെങ്കിലും രേഖ നല്കുക.താഴെ കൊടുത്തിരിക്കുന്ന പട്ടികയില് നിന്ന് പിതാവിന്റെയോ മാതാവിന്റയോ ജനനത്തീയതിയും ജനനസ്ഥലവും തെളിയിക്കുന്ന രേഖ നല്കുക.
02.12.2004 ന് ശേഷം ഇന്ത്യയില് ജനിച്ചവരാണെങ്കില്കൊടുത്തിരിക്കുന്ന പട്ടികയില് നിന്ന് പിതാവിന്റെ ജനനത്തീയതിയും ജനനസ്ഥലവും വ്യക്തമാക്കുന്ന ഏതെങ്കിലും രേഖ നല്കുക.
താഴെ കൊടുത്തിരിക്കുന്ന പട്ടികയില് നിന്ന് മാതാവിന്റെ ജനനത്തിയതിയും ജനന സ്ഥലവും വ്യക്തമാക്കുന്ന ഏതെങ്കിലും രേഖ നല്കുക. ഏതെങ്കിലും രക്ഷിതാവ് ഇന്ത്യക്കാരനല്ലെങ്കില്, നിങ്ങളുടെ ജനന സമയത്ത് അവരുടെ സാധുവായ പാസ്പോർട്ടിൻ്റെയും വിസയുടെയും ഒരു പകർപ്പ് നല്കുക. ഇന്ത്യയ്ക്ക് പുറത്താണ് ജനിച്ചതെങ്കില് (വിദേശത്തുള്ള ഇന്ത്യൻ മിഷൻ നല്കിയ ജനന രജിസ്ട്രേഷന്റെ തെളിവ് അറ്റാച്ചുചെയ്യുക)
രജിസ്ട്രേഷൻ/നാച്ചുറലൈസേഷൻ വഴി ഇന്ത്യൻ പൗരത്വം നേടിയിട്ടുണ്ടെങ്കില് (പൗരത്വ രജിസ്ട്രേഷൻ സർട്ടിഫിക്കറ്റ് അറ്റാച്ചുചെയ്യുക)
സമര്പ്പിക്കേണ്ട പ്രത്യേക സ്വയം സാക്ഷ്യപ്പെടുത്തിയ രേഖകള്
- കേന്ദ്ര/സംസ്ഥാന/പൊതുമേഖലാ സ്ഥാപനങ്ങളിലെ സ്ഥിരം ജീവനക്കാരന്/ പെൻഷൻകാരന് നല്കുന്ന ഏതെങ്കിലും തിരിച്ചറിയല് കാർഡ്/പെൻഷൻ പേയ്മെൻറ് ഓർഡർ.
- 01.07.1987 ന് മുമ്പ് ഇന്ത്യയില് സർക്കാർ/തദ്ദേശീയ അധികാരികള്/ബാങ്കുകള്/പോസ്റ്റ് ഓഫീസ്/എല്.ഐ.സി./ പൊതുമേഖലാ സ്ഥാപനങ്ങള് എന്നിവ നല്കിയ ഏതെങ്കിലും തിരിച്ചറിയല് കാർഡ്/സർട്ടിഫിക്കറ്റ്/രേഖ.
- യോഗ്യതയുള്ള അധികാരി നല്കുന്ന ജനന സർട്ടിഫിക്കറ്റ്.
- പാസ്പോർട്ട്.
- അംഗീകൃത ബോർഡുകള്/സർവകലാശാലകള് നല്കുന്ന മെട്രിക്കുലേഷൻ/വിദ്യാഭ്യാസ സർട്ടിഫിക്കറ്റ്
- യോഗ്യതയുള്ള സംസ്ഥാന അധികാരി നല്കുന്ന സ്ഥിര താമസ സർട്ടിഫിക്കറ്റ്.
- വനാവകാശ സർട്ടിഫിക്കറ്റ്
- ഒബിസി/ എസ്.സി/എസ്.റ്റി അല്ലെങ്കില് യോഗ്യതയുള്ള അധികാരി നല്കുന്ന ഏതെങ്കിലും ജാതി സർട്ടിഫിക്കറ്റ്
- ദേശീയ പൗരത്വ രജിസ്റ്റർ (അത് നിലനില്ക്കുന്നിടത്തെല്ലാം)
- സംസ്ഥാന/തദ്ദേശീയ അധികാരികള് തയ്യാറാക്കിയ കുടുംബ രജിസ്റ്റർ.
- സർക്കാർ നല്കുന്ന ഏതെങ്കിലും ഭൂമി/വീട് അലോട്ട്മെൻറ് സർട്ടിഫിക്കറ്റ്.
- ആധാറിന്, 09.09.2025 (അനുബന്ധം II) തീയതിയിലുള്ള കത്ത് നമ്പർ 23/2025-ERS/Voll വഴി കമ്മീഷൻ പുറപ്പെടുവിച്ച നിർദ്ദേശങ്ങള് ബാധകമാകും.