അടൂരിൽ കണ്ണങ്കോട് ക്രിസ്ത്യൻ പള്ളിയുടെ ഓഡിറ്റോറിയത്തിന്റെ ഗേറ്റിനിടയിൽ തെരുവുനായ കുടുങ്ങി.
ഇന്ന് രാവിലെ ജീവനക്കാർ ഗേറ്റിൽ നായ കുടുങ്ങിയ വിവരം അറിഞ്ഞ് രക്ഷിക്കാൻ ശ്രമിച്ചെങ്കിലും സാധിക്കാതെ വന്നതോടെ ഫയർഫോഴ്സിനെ വിവരം അറിയിക്കുകയായിരുന്നു.
കഴിഞ്ഞ ദിവസം പള്ളിയിൽ നടന്ന വിവാഹത്തിൻ്റെ അവശിഷ്ടം തേടിയെത്തിയ നായയാണ് ഗേറ്റിൽ കുടുങ്ങിയത്.
ഗേറ്റിനു താഴ്വശം നെറ്റു കൊണ്ടു മറച്ചിരുന്നതിനാൽ ഇടയിലൂടെ ചാടി രക്ഷപ്പെടാൻ ശ്രമിക്കുന്നതിനിടെ കുടുങ്ങിപ്പോയതാണെന്നാണ് സംശയം.
പള്ളി അധികൃതർ വിവരം അറിയിച്ചതിനെ തുടർന്ന് അടൂരിൽ നിന്നും ഫയർ ഫോഴ്സ് സ്റ്റേഷൻ ഓഫീസർ വിനോദ് കുമാറിന്റെ നേതൃത്വത്തിൽ സീനിയർ റെസ്ക്യൂ ഓഫീസർ അജി ഖാൻ യൂസഫ്, ഓഫീസർമാരായ ശ്രീജിത്ത്, പ്രജോഷ്, സജാദ്, അനീഷ് കുമാർ, എന്നിവരടങ്ങുന്ന സംഘം സ്ഥലത്തെത്തി ഗേറ്റിന്റെ കമ്പി മുറിച്ച് മാറ്റിയാണ് നായയെരക്ഷപ്പെടുത്തിയത്.