സോളാർ ഭൗതികശാസ്ത്രജ്ഞനായ കീത്ത് സ്ട്രോങ് X-ൽ പോസ്റ്റ് ചെയ്ത ഒരു പുതിയ വീഡിയോയിൽ സൂര്യൻ ഏറ്റവും ശക്തമായ സോളാർ ജ്വാലയായ എക്സ്-ക്ലാസ് ഫ്ലെയർ പുറത്തേക്ക് വിടുന്നതായി പറഞ്ഞു.
AR3738 എന്ന സൺസ്‌പോട്ടിൽ നിന്ന് ശനിയാഴ്ച രാത്രി (ജൂലൈ 13) 10:34 ന് അഗ്നിജ്വാല ഉത്ഭവിച്ചു. ജ്വാല ഉത്ഭവിച്ചതിന് തൊട്ടുപിന്നാലെ ഓസ്‌ട്രേലിയ, തെക്കുകിഴക്കൻ ഏഷ്യ, ജപ്പാൻ എന്നിവിടങ്ങളിൾ ഷോർട്ട്‌വേവ് റേഡിയോ ബ്ലാക്ഔട്ടുകൾ ഉണ്ടായി. സിഗ്നലുകൾ തടസ്സപ്പെട്ടു.
മിസ്റ്റർ സ്ട്രോംഗ് സമീപകാല സൂര്യ സ്ഫോടനങ്ങൾ നിരീക്ഷിച്ചിരുന്നു. ഉയർന്ന സൗരോർജ്ജ പ്രവർത്തനത്തിൻ്റെ ഫലമായി ഏതെങ്കിലും ഭൂകാന്തിക പ്രവർത്തനം ഉണ്ടാകാൻ സാധ്യതയില്ല എന്നദ്ദേഹം പറഞ്ഞു.
വൈദ്യുതകാന്തിക വികിരണത്തിൻ്റെ ശക്തമായ സ്ഫോടനങ്ങൾ പുറപ്പെടുവിക്കുന്ന സൂര്യൻ്റെ ഉപരിതലത്തിൽ നിന്നുള്ള സ്ഫോടനങ്ങളാണ് സൗരജ്വാലകൾ.
സാധാരണ ഗതിയിൽ സൗരജ്വാലകളിൽ നിന്നുള്ള വികിരണം പ്രകാശവേഗത്തിൽ ഭൂമിയിലേക്ക് സഞ്ചരിക്കുകയും എത്തിച്ചേരുമ്പോൾ മുകളിലെ അന്തരീക്ഷത്തെ അയോണീകരിക്കുകയും ചെയ്യുന്നു. ഈ അയോണൈസേഷൻ ഉയർന്ന ഫ്രീക്വൻസി ഷോർട്ട് വേവ് റേഡിയോ സിഗ്നലുകൾക്ക് അനുയോജ്യമായ അന്തരീക്ഷം സൃഷ്ടിക്കുന്നു. ഇത് ദീർഘദൂര ആശയവിനിമയം സുഗമമാക്കുന്നു.
റേഡിയോ തരംഗങ്ങൾ അയോണൈസ്ഡ് പാളികളിലെ ഇലക്ട്രോണുകളുമായി ഇടപഴകുമ്പോൾ, വർദ്ധിച്ച കൂട്ടിയിടികൾ കാരണം അവയ്ക്ക് ഊർജ്ജം നഷ്ടപ്പെടും. ഇത് സിഗ്നലുകളെ നശിപ്പിക്കുകയോ പൂർണ്ണമായും ആഗിരണം ചെയ്യുകയോ ചെയ്യും.