ജയരാജനെ ന്യായീകരിച്ച് തൃശൂരിലെ ഇടത് സ്ഥാനാർത്ഥി വിഎസ് സുനില് കുമാർ.
വിവാദം ബിരിയാണിച്ചെമ്പ് പോലെയെന്നാണ് സുനിൽകുമാറിൻ്റെ പക്ഷം.
കെ സുരേന്ദ്രൻ തൻറെ വീട്ടില് വന്നിട്ടുണ്ട്, തങ്ങള് സുഹൃത്തുക്കളാണെന്നും വിഎസ് സുനില് കുമാർ.
ഇപി ജയരാജൻ എല്ലാവരോടും അടുപ്പത്തോടെ പെരുമാറുന്ന പ്രകൃതക്കാരനാണെന്നും അദ്ദേഹത്തിൻറെ രാഷ്ട്രീയ സത്യസന്ധതയില് സംശയമില്ലെന്നും വിഎസ് സുനില് കുമാർ പറഞ്ഞു.
തൃശൂരില് നല്ല മാർജിനില് വിജയിക്കുമെന്ന പ്രതീക്ഷയും വിഎസ് സുനില് കുമാർ പങ്കുവച്ചു.
പോളിങ് ശതമാനം കുറഞ്ഞത് തനിക്ക് ദോഷം ചെയ്യില്ല, ഇത് ഇടതിന് ഗുണമാണ് ചെയ്യുകയെന്നും വിഎസ് സുനില് കുമാർ പറഞ്ഞു