വാഹന രജിസ്റ്റർ കേസിൽ സുരേഷ് ഗോപി ഇന്ന് അവധി അപേക്ഷ നൽകും. അതേതുടർന്ന് ഇന്ന് എറണാകുളത്തെ കോടതിയിൽ സുരേഷ് ഗോപി ഹാജരാകില്ല.
കേസ് റദ്ദാക്കണമെന്നാവശ്യപ്പെട്ട് സുരേഷ് ഗോപി ഹൈക്കോടതിയെ സമീപിച്ചിട്ടുണ്ട്. ഇക്കാര്യം കാണിച്ചായിരിക്കും അവധി അപേക്ഷ നൽകുക.
വ്യാജ വിലാസം ഉപയോഗിച്ച് പുതിച്ചേരിയില് വാഹനം രജിസ്റ്റർ ചെയ്ത് നികുതി വെട്ടിച്ചുവെന്നാണ് സുരേഷ് ഗോപിക്കെതിരായ കേസ്.
2010, 2016 വർഷങ്ങളിലായി രണ്ട് ആഡംബര കാറുകളാണ് പുതുച്ചേരിയിൽ ഈ രീതിയിൽ നികുതിവെട്ടിച്ച് രജിസ്റ്റർ ചെയ്തത്.
ഇതിലൂടെ സംസ്ഥാനത്തിന് 30 ലക്ഷം രൂപയുടെ നികുതി നഷ്ടം ഉണ്ടായെന്നായിരുന്നു ക്രൈംബ്രാഞ്ച് കുറ്റപത്രത്തിലെ കണ്ടെത്തൽ.
എന്തായാലും, ഈ സംഭവത്തിൽ നേരത്തെ കേസ് റദ്ദാക്കണമെന്ന് ആവശ്യപ്പെട്ട് സുരേഷ് ഗോപി കോടതിയെ സമീപിച്ചിരുന്നു. പക്ഷേ ആ ആവശ്യം കോടതി തള്ളിയിരുന്നു.