കാറിനുള്ളിൽ കൃതൃമ നീന്തൽക്കുളം നിർമ്മിച്ച ഒരു യൂട്യൂബർ ഒടുവിൽ എംവിഡിയുടെ വലയിലായി.
‘ആവേശം’ കണ്ട് ആവേശം മൂത്തതായിരുന്നു യൂട്യൂബർ സഞ്ജു ടെക്കിയും മൂന്നു കൂട്ടുകാരും ചേർന്ന് കാറിനുള്ളിൽ നീന്തൽക്കുളം നിർമ്മിച്ചത്.
അടുത്തിടെ പുറത്തിറങ്ങിയ ഫഹദ് ഫാസിൽ ചിത്രം ‘ആവേശം’ എന്ന ചിത്രത്തിലെ ഒരു രംഗം അനുകരിച്ചായിരുന്നു നീന്തൽക്കുളം കാറിനുള്ളിൽ തന്നെ സെറ്റു ചെയ്യാൻ തീരുമാനിച്ചത്.
എംവിഡി പറയുന്നതനുസരിച്ച്, യൂട്യൂബർ സഞ്ജു ടെക്കിയും മൂന്ന് സുഹൃത്തുക്കളും അനധികൃതമായാണ് കാറിനുള്ളിൽ ഒരു താൽക്കാലിക നീന്തൽക്കുളം സൃഷ്ടിച്ചത്.
അവരിൽ ഒരാൾ കാർ ഓടിക്കും.
യൂട്യൂബർ തന്നെ അത് തൻ്റെ ചാനലിൽ അപ്ലോഡ് ചെയ്യുകയും ചെയ്യും.
നീന്തൽ കുളത്തിൽ കിടന്ന് തേങ്ങാവെള്ളം കുടിക്കുന്ന രംഗങ്ങളെല്ലാം ചിത്രീകരിക്കുകയും ചെയ്തു.
സംഗതി എന്തായാലും, പണി പാളിയെന്നു പറഞ്ഞാൽ മതിയല്ലോ.
കാർ പിടിച്ചെടുക്കുകയും ഡ്രൈവറുടെ ലൈസൻസ് ഒരു വർഷത്തേക്ക് റദ്ദാക്കുകയും ചെയ്തിരിക്കുകയാണ് എംവിഡി ഇപ്പോൾ.
നോക്കണേ ‘ആവേശം’ വരുത്തിയ വിന!