കായിക വകുപ്പ്‌ സംഘടിപ്പിക്കുന്ന ലഹരി വിരുദ്ധ സന്ദേശ യാത്രയുടെ ലോഗോ, മാസ്‌കോട്ട്‌ റിലീസ്‌ ഇന്ന് വൈകീട്ട്‌ 3.30 ന് കേരള പത്ര പ്രവർത്ത യൂണിയൻ ആസ്ഥാനമായ കേസരിയിൽ നടക്കും.മുൻ ഇന്ത്യൻ അത്‌ലറ്റ്‌ ഷൈനി വിത്സൺ, ഇന്ത്യൻ വോളിബോൾ ടീം ക്യാപ്‌റ്റൻ ടിജി രാജു, ഏഷ്യൻ പാരാ ഗെയിംസ് ജേതാവ്‌ സിദ്ധാർത്ഥ്‌ ബാബു എന്നിവർ പങ്കെടുക്കുന്നതാണ്‌. ഈ താരങ്ങളും ബഹു. മന്ത്രിയും ചേർന്ന്‌ ലോഗോ, മാസ്‌കോട്ട്‌ റിലീസ്‌ നിർവഹിക്കും.
മയക്കുമരുന്നുൾപ്പെടെയുള്ള ലഹരി വസ്തുക്കളുടെ ഉപയോഗം വ്യക്തികളെ മാത്രമല്ല, സമൂഹത്തെയും നശിപ്പിക്കും. ലഹരിക്കെതിരായ പോരാട്ടത്തിൽ നമുക്ക് ഒന്നിച്ച് അണിനിരക്കാം. ഇവയുടെ ഉപയോഗമോ വിപണനമോ ശ്രദ്ധയിൽപ്പെട്ടാൽ കേരള പോലീസിന്റെ യോദ്ധാവ് ഫോൺ നമ്പരിൽ വാട്ട്സ് ആപ്പ് ചെയ്യാം: നമ്പർ- 9995966666. ആന്‍റി നാര്‍കോട്ടിക് സെല്‍: 9497979794, 9497927797 ( വാട്ട്സ് ആപ്പ് ) നാഷണല്‍ നര്‍കോട്ടിക്സ് ഹെല്പ് ലൈന്‍ 1933. ലഹരി സംബന്ധമായ കുറ്റകൃത്യങ്ങൾ നടക്കുന്ന വിവരം ശ്രദ്ധയിൽപ്പെട്ടാൽ എക്‌സൈസിന്റെ 9447178000 എന്ന നമ്പരിലും അറിയിക്കാം.