രാജ്യത്ത് വാണിജ്യ പാചക വാതക സിലിണ്ടറിന്റെ വില കുറഞ്ഞതായി റിപ്പോർട്ടുകള്. വാണിജ്യ ആവശ്യത്തിനുള്ള സിലിണ്ടറിന് കൊച്ചിയില് 6 രൂപയാണ് കുറഞ്ഞത്. ഇതോടെ, കൊച്ചിയില് 1812 ഉണ്ടായിരുന്ന 19 കിലോ സിലിണ്ടറിന്റെ വില 1806 രൂപയായി. എന്നാല് ഗാർഹികാവശ്യത്തിനുള്ള സിലിണ്ടർ വിലയില് മാറ്റം ഉണ്ടായിട്ടില്ല.തുടർച്ചയായുള്ള രണ്ടാം മാസമാണ് വാണിജ്യ എല്പിജി സിലിണ്ടറുകളുടെ നിരക്ക് ഇപ്പോള് കുറയ്ക്കുന്നത്. ഇന്നത്തെ കണക്കനുസരിച്ച്, ഡല്ഹിയില് 19 കിലോഗ്രാം വാണിജ്യ എല്പിജി സിലിണ്ടറിൻ്റെ വില 1,804 രൂപയില് നിന്ന് 1,797 രൂപയായി കുറഞ്ഞിട്ടുണ്ട്.