ക്രൈസ്തവ വിശ്വാസികളെ കൂടെ കൂട്ടാന് ക്രൈസ്തവ ദേവാലയങ്ങള് സന്ദര്ശിക്കാനൊരുങ്ങി ബിജെപി നേതാക്കള്.ഡല്ഹി ഗോള്ഡഖാന സേക്രട്ട് ഹാര്ട്ട് ദേവാലയം നാളെ പ്രധാനമന്ത്രി നരേന്ദ്രമോദി സന്ദര്ശിക്കും. ബിജെപി ദേശീയ അധ്യക്ഷന് ജെ പി നദ്ദ ക്രിസ്മസ് ദിനത്തില് ദേവാലയങ്ങളില് എത്തും.നാളെ വൈകിട്ട് ആറു മണിക്കാണ് നരേന്ദ്രമോദി ഡല്ഹി ഗോള്ഡഖാന സേക്രട്ട് ഹാര്ട്ട് ദേവാലയം സന്ദര്ശിക്കുക. സിബിസിഐയുടെ ക്ഷണം അനുസരിച്ചാണ് ഇത്. മത നേതാക്കളുമായും പ്രധാനമന്ത്രി കൂടിക്കാഴ്ച നടത്തും. പ്രധാനമന്ത്രിയുടെ നിര്ദ്ദേശപ്രകാരമാണ് ബിജെപി നേതാക്കള് വിവിധ ദേവാലയങ്ങളില് എത്തുന്നത്.കോഴിക്കോട് രൂപത ബിഷപ്പ് വര്ഗീസ് ചക്കാലക്കലിനെ കണ്ട് പ്രധാനമന്ത്രിയുടെ ക്രിസ്മസ് സന്ദേശം എം ടി രമേശ് അറിയിച്ചു. കതീഡ്രലില് എത്തിയായിരുന്നു ബിഷപ്പിനെ കണ്ടത്.ഇരുവരും ചേര്ന്ന് കേക്ക് മുറിച്ചു. ഇക്കഴിഞ്ഞ ലോക്സഭ ഉപതിരഞ്ഞെടുപ്പില് വയനാട്ടില് ഉള്പ്പെടെ ക്രൈസ്തവ മേഖലകളില് കൂടുതല് വോട്ട് സമാഹരിക്കാന് കഴിഞ്ഞുവെന്ന് ആത്മവിശ്വാസവും ഈ സന്ദര്ശനത്തിന് പിന്നിലുണ്ട്.