യുഡിഎഫ് സർക്കാർ അധികാരത്തിൽ വന്നാൽ കോട്ടയത്തെ ആകാശപാത പദ്ധതി ആറു മാസത്തിനുള്ളിൽ നടപ്പിലാക്കുമെന്ന് തിരുവഞ്ചൂർ രാധാകൃഷ്ണൻ എംഎൽഎ.കോട്ടയം നഗരത്തിലെ ആകാശപ്പാത പദ്ധതിക്ക് ശാപമോക്ഷം നൽകാൻ യുഡിഎഫ് പ്രതിജ്ഞാബദ്ധമാണെന്നു തിരുവഞ്ചൂർ രാധാകൃഷ്ണൻ എംഎൽഎ.യുഡിഎഫ് സർക്കാർ അധികാരത്തിൽ വന്നാൽ 6 മാസത്തിനകം പദ്ധതി യാഥാർത്ഥമാകും.ഗാന്ധിമണ്ഡപം എന്ന പേരിൽ രണ്ട് നിലകളിലായി നിർമ്മിക്കുന്ന ആകാശപാതയുടെ മുകളിൽ വ്യൂ പോയിൻ്റ് അടക്കം സ്ഥാപിച്ച് പദ്ധതി പുതിയ രൂപത്തിലാണ് നടപ്പിക്കുന്നതെന്നും അദ്ദേഹം പറഞ്ഞു.ആകാശപ്പാത നടപ്പാക്കണമെന്ന കോടതി ഉത്തരവിൻ്റെ അടിസ്ഥാനത്തിൽ പദ്ധതിയുടെ കരാർ ഊരാളുങ്കലിന് കൊടുക്കണമെന്ന നിർബന്ധ ബുദ്ധിയാണ് ഇപ്പോൾ നിർമ്മാണം വൈകുവാൻ കാരണമെന്നും എം.എൽ.എ ആരോപിച്ചു.