മഴ തകർത്ത് പെയ്യുകയാണ്. കേരളത്തിൽ വരും ദിവസങ്ങളിൽ മഴ ശക്തമാകാൻ സാധ്യത ഉണ്ട്.
മുന്നറിയിപ്പ് പ്രകാരം ഇന്നും ശക്തമായ മഴയ്ക്കാണ് സാധ്യത.
ഇന്ന് റെഡ് അലേർട്ടാണ് പത്തനംതിട്ടയിലും ഇടുക്കിയിലും നിലവിൽ ഉള്ളത്.
തിരുവനന്തപുരം, കൊല്ലം, ആലപ്പുഴ, കോട്ടയം, എറണാകുളം, തൃശ്ശൂർ, പാലക്കാട്, മലപ്പുറം എന്നീ 8 ജില്ലകളിൽ ഓറഞ്ച് അലർട്ടും പ്രഖ്യാപിച്ചിട്ടുണ്ട്.
മറ്റ് ജില്ലകളിൽ യെല്ലോ അലർട്ടാണ്. കേരളാ തീരത്ത് ഉയർന്ന തിരമാലകൾക്ക് സാധ്യതയുണ്ട്. മത്സ്യബന്ധനത്തിനുള്ള വിലക്കും തുടരുകയാണ്.
മണിക്കൂറുകളിൽ തെക്ക് പടിഞ്ഞാറൻ ബംഗാൾ ഉൾക്കടലിൽ ന്യൂനമർദ്ദം രൂപപ്പെട്ടേക്കും.
പിന്നീട് ഇത് തീവ്രന്യൂനമർദ്ദമായി മാറാൻ സാധ്യതയും ഉണ്ട്. അതുകൊണ്ട് തന്നെ ജാഗ്രത വേണം എന്നാണ് അറിയിക്കുന്നത്.