കനത്ത മഴയെ തുടർന്ന് മരം ഒടിഞ്ഞ് വീണ് കാഞ്ഞിരപ്പള്ളി കപ്പാട് കുരുവിക്കൂട് റോഡിൽ ഗതാഗതം മുടങ്ങിയ നിലയിൽ. കപ്പാട് ഗവ പന്നിഫാമിന് സമീപമാണ് മരം റോഡിലേയ്ക്ക് ഒടിഞ്ഞ് വീണത്. വാഹനങ്ങൾ ഒന്നും ഈ സമയം ഇതുവഴി കടന്നു പോകാതിരുന്നത് വലിയ അപകടം ഒഴിവാകാൻ കാരണമായി. പന്നിഫാമിൻ്റെ വളപ്പിൽ നിന്ന മരമാണ് റോഡിലേയ്ക്ക് ഒടിഞ്ഞ് വീണത്. ഇവിടെ വൈദ്യുതി പോസ്റ്റുകളും തകർന്നിട്ടുണ്ട്. ഈരാറ്റുപേട്ട റോഡിൽ വെള്ളം കയറിയതോടെ വാഹനങ്ങൾ ഇതുവഴിയാണ് കടന്നു പോയിരുന്നത്.