ഒരു സിനിമാ തിയേറ്ററിൽ ആയിരിക്കുമ്പോൾ ആളുകൾ ചില അടിസ്ഥാന മര്യാദകൾ പാലിക്കണം. ചുറ്റും ഇരിക്കുന്ന ആരെയും ശല്യപ്പെടുത്താനും പാടില്ല.
ഒരു വീഡിയോ സോഷ്യൽ മീഡിയയിൽ പ്രചരിക്കുന്നുണ്ട്. വീഡിയോയിൽ നിരവധി ആളുകൾ അവരുടെ മുൻ സീറ്റുകളിൽ കാലുകൾ വെച്ചിരിക്കുന്നതായി കാണാം. ക്ലിപ്പ് കുറച്ച് ദിവസങ്ങൾക്ക് മുമ്പ് എക്സിൽ ആണ് പങ്കിട്ടത്. ഒരു പിവിആർ മൾട്ടിപ്ലെക്സിലാണ് സംഭവം എന്നാണ് മനസിലാകുന്നത്.
സംഭവം നടന്ന സ്ഥലം അറിയില്ല. വീഡിയോ നിരവധി പേരെ പ്രകോപിപ്പിച്ചു. ഇതിന് 247,000-ലധികം വ്യൂസ് ലഭിച്ചു.
അശ്വിത് ഹർഷവർദ്ധൻ എന്നൊരാളാണ് എക്സിൽ വീഡിയോ കൊടുത്തത്. പിവിആറിൽ ഏറ്റവും പിറകിലത്തെ റീക്ലൈനർ സീറ്റാണെങ്കിൽ കാലുകൾ സീറ്റിലേക്ക് കയറ്റി വെയ്ക്കുന്നതു കൊണ്ട് പ്രശ്നമുണ്ടാകില്ലെന്ന് ഒരാൾ പ്രതികരിച്ചു. ഇന്ത്യാക്കാർക്ക് ഒരു മര്യാദയുമില്ലെന്ന് പറഞ്ഞു മറ്റൊരാൾ. പ്രതികരണങ്ങൾ സമ്മിശ്രമായിരുന്നു.