ഇതിപ്പോൾ റീ റിലീസുകളുടെ കാലം ആണ് അല്ലേ?
അതേ, ഇപ്പോൾ ജനങ്ങൾ ഒന്നടങ്കം ഏറ്റെടുത്തിരിക്കുകയാണ് ഈ ട്രെൻഡ്.
റീ റിലീസില് വമ്പൻ കുതിപ്പാണ് ഇനി തുടരാൻ പോകുന്നത്.
പ്രേക്ഷകര്ക്കിടയില് വലിയ ആവേശം തീര്ക്കുകയാണ് വിജയ് ചിത്രം.
ധരണി രചനയും സംവിധാനവും നിര്വ്വഹിച്ച റൊമാന്റിക് സ്പോര്ട്സ് ആക്ഷന് ചിത്രം ഗില്ലിയാണ് വീണ്ടും തിയറ്ററുകളില് എത്തുന്നത്.
വമ്പൻ ആരാധകവൃന്ദമുള്ള വിജയ് നായകനായി അഭിനയിച്ച ഗില്ലി ഏപ്രില് 20 ന് ആണ് തിയറ്ററുകളില് എത്തുന്നത്.
വിജയ് രാഷ്ട്രീയപ്രവേശം പ്രഖ്യാപിച്ചതിന് ശേഷമെത്തുന്ന ആദ്യ ചിത്രമാണ് ഗില്ലി.
അതിനാല്ത്തന്നെ വലിയ വരവേല്പ്പ് നല്കാനുള്ള ഒരുക്കത്തിലാണ് ആരാധകര്. 20 വര്ഷത്തിന് ശേഷമെത്തുന്ന ചിത്രമാണിത്.
ഇനിയും രണ്ട് ദിവസം ശേഷിക്കെ തമിഴ്നാട്ടില് അഡ്വാന്സ് ബുക്കിംഗിലൂടെ ചിത്രം ഇതിനകം വിറ്റത് 75,000 ല് അധികം ടിക്കറ്റുകളാണ്.
ഇതിലൂടെ നേടിയിരിക്കുന്ന കളക്ഷന് 87 ലക്ഷവും! പ്രമുഖ ബോക്സ് ഓഫീസ് ട്രാക്കര്മാരായ സിനിട്രാക്കിന്റെ കണക്കാണ് ഇത്.
ഒരു റീ റിലീസ് ചിത്രത്തെ സംബന്ധിച്ച് വലിയ ബുക്കിംഗ് ആണ് ഇത്.
അതേസമയം, കേരളത്തിലും ചിത്രത്തിന് ലിമിറ്റഡ് റിലീസ് ഉണ്ട്.
തിരുവനന്തപുരത്തെ പ്രധാന തിയറ്റര് ആയ ഏരീസ് പ്ലെക്സിലെ ഓഡി 1 ല് രാവിലെ 8 ന് ചിത്രത്തിന് പ്രദര്ശനമുണ്ട്.
ഈ ഷോ ഫാസ്റ്റ് ഫില്ലിംഗ് ആണ് നിലവില്. അതേസമയം ഗില്ലിയുടെ ഓപണിംഗ് ഡേ കളക്ഷന് എത്ര വരുമെന്ന് അറിയാനുള്ള കാത്തിരിപ്പിലാണ് ട്രേഡ് അനലിസ്റ്റുകള്.
അതേസമയം വെങ്കട് പ്രഭുവിന്റെ ഗോട്ട് ആണ് വിജയ്യുടേതായി പുറത്തെത്താനിരിക്കുന്ന അടുത്ത ചിത്രം.