ഇറാന് ഏത് നിമിഷവും ഇസ്രയേലിനെ ആക്രമിക്കാന് സാധ്യത.
48 മണിക്കൂറിനകം ഇറാന് ആക്രമണം നടത്തിയേക്കുമെന്ന് അമേരിക്കന് രഹസ്യാന്വേഷണ വിഭാഗം മുന്നറിയിപ്പ് നല്കി.
ഇസ്രയേലിന് പൂര്ണ പിന്തുണ പ്രഖ്യാപിച്ച അമേരിക്കന് പ്രസിഡന്റ് ജോ ബൈഡന്, ആക്രമണത്തിന് മുതിരരുതെന്ന് ഇറാന് മുന്നറിയിപ്പ് നല്കി.
ഏപ്രില് ഒന്നിന് സിറിയന് തലസ്ഥാനമായ ദമാസ്കസില് ഇറാന് കോണ്സുലേറ്റിന് നേരെയുണ്ടായ ആക്രമണത്തിലെ ഖുദ് സേനയിലെ മുതിര്ന്ന ഉദ്യോഗസ്ഥന് അടക്കം 13 പേര് കൊല്ലപ്പെട്ടിരുന്നു. ആക്രമണത്തിന്റെ ഉത്തരവാദിത്തം ഇസ്രയേല് ഏറ്റെടുത്തിരുന്നില്ല.
എന്നാല് പിന്നില് ഇസ്രയേലാണെന്നും തിരിച്ചടി ഉണ്ടാകുമെന്നും ഇറാന് മുന്നറിയിപ്പ് നല്കിയിരുന്നു. ഇസ്രയേലിലേക്കുള്ള യാത്ര നിരവധി രാജ്യങ്ങള് നിരോധിച്ചു.
ടെല് അവീവ്, ജറുസലേം അടക്കം നഗരങ്ങളില്നിന്ന് പുറത്തേക്കുള്ള യാത്ര പാടില്ലെന്ന് നയതന്ത്ര ഉദ്യോഗസ്ഥര്ക്ക് അമേരിക്ക മുന്നറിയിപ്പ് നല്കി.