ഇന്ന് മുതൽ യുഎഇയിൽ വീണ്ടും മഴയ്ക്ക് സാധ്യതയുണ്ടെന്ന് ദേശീയ കാലാവസ്ഥാ കേന്ദ്രം അറിയിച്ചു.
കഴിഞ്ഞ ആഴ്ച പെയ്തത് പോലെ കനത്ത മഴയല്ല വരാനിരിക്കുന്നത്.
തീവ്രത കുറഞ്ഞ മഴയായിരിക്കും ലഭിക്കുക.
അതുകൊണ്ട് തന്നെ ആശങ്കപ്പെടാനുള്ള സാഹചര്യം ഇല്ലെന്നും അധികൃതര് യുഎഇയിലെ ഈ ആഴ്ചത്തെ കാലാവസ്ഥ മുന്നറിയിപ്പ് പുറത്തുവിട്ടുകൊണ്ട് അറിയിച്ചു.
ഏറ്റവും കൂടുതല് മഴ ലഭിച്ചത് അല് ഐനിലെ ഖതം അല് ഷക്ല പ്രദേശത്താണ്.
75 വര്ഷത്തിനിടയിലെ ഏറ്റവും ഉയര്ന്ന മഴയാണ് രാജ്യത്ത് കഴിഞ്ഞ തിങ്കളാഴ്ച മുതല് ചൊവ്വ രാത്രി വരെ ലഭിച്ചത്.
24 മണിക്കൂറിനുള്ളില് 254.8 മില്ലിമീറ്റര് മഴയാണ് ഇവിടെ ലഭിച്ചതെന്ന് നാഷണല് സെന്റര് ഓഫ് മെറ്റീരിയോളജി അറിയിച്ചിരുന്നു.
അതുപോലെ, ഖത്തറിലും ഒമാനിലും മഴയ്ക്ക് സാധ്യത അറിയിച്ചിട്ടുണ്ട്.
ഖത്തറിൽ ഞായറാഴ്ച രാത്രി ഇടിമിന്നലോടെയുള്ള മഴയും ശക്തമായ കാറ്റും പ്രതീക്ഷിക്കുന്നതായി പ്രതിദിന കാലാവസ്ഥാ ബുള്ളറ്റിനിൽ പറയുന്നു.
ഒമാനിൽ 23-ാം തീയ്യതി മുതലാണ് മഴ മുന്നറിയിപ്പുള്ളത്.
ഏപ്രില് 23 ചൊവ്വാഴ്ച മുതല് ഏപ്രില് 25 വ്യാഴാഴ്ച വരെയാണ് ന്യൂനമര്ദ്ദം ബാധിക്കാന് സാധ്യതയുള്ളതെന്നാണ് കാലാവസ്ഥ നിരീക്ഷണ കേന്ദ്രം അറിയിക്കുന്നത്.