സ്റ്റേറ്റ് റിസോഴ്സ് സെൻ്ററിൻ്റെ ആഭിമുഖ്യത്തിലുള്ള എസ്.ആർ.സി കമ്മ്യൂണിറ്റി കോളേജ് യോഗ അസോസിയേഷൻ ഓഫ് കേരളയുടെ സഹകരണത്തോടെ നടത്തുന്ന ജനുവരി സെഷനിലെ ഡിപ്ലോമ ഇൻ യോഗ ടീച്ചർ ട്രെയിനിംഗ് പ്രോഗ്രാമിലേക്ക് ലാറ്ററൽ എൻട്രിയായി അപേക്ഷ ക്ഷണിച്ചു. പ്ലസ്ടു അഥവാ തത്തുല്യമാണ് അടിസ്ഥാന വിദ്യാഭ്യാസ യോഗ്യത. അപേക്ഷകർ 18 വയസ്സ് പൂർത്തിയാക്കിയിരിക്കണം. ഉയർന്ന പ്രായപരിധിയില്ല. എസ്.ആർ.സി കമ്മ്യൂണിറ്റി കോളേജ് നടത്തുന്ന സർട്ടിഫിക്കറ്റ് ഇൻ യോഗ വിജയകരമായി പൂർത്തിയാക്കിയവർക്ക് ഡിപ്ലോമയുടെ രണ്ടാം സെമസ്റ്ററിൽ പ്രവേശനം എടുത്താൽ മതിയാകും. https://app.srccc.in/register എന്ന ലിങ്കിലൂടെ ലാറ്ററൽ എൻട്രിയ്ക്കു വേണ്ടിയുള്ള പ്രത്യേക അപേക്ഷാ ഫോറം ഡൗൺലോഡ് ചെയ്‌ത്‌ പൂരിപ്പിച്ച് എസ്.ആർ.സി. ഓഫീസിൽ സമർപ്പിക്കേണ്ടതാണ്. അപേക്ഷകൾ സ്വീകരിക്കുന്ന അവസാന തീയതി ഡിസംബർ 31 . വിശദവിവരങ്ങൾക്ക് ഡയറക്ടർ. സ്റ്റേറ്റ് റിസോഴ്സ് സെൻ്റർ, നന്ദാവനം. വികാസ്‌ഭവൻ പി. ഒ., തിരുവനന്തപു രം-33. ഫോൺ നം: 04712325101, 8281114464. വെബ്സൈറ്റ് www.srccc.in . ജില്ലയിലെ പഠനകേന്ദ്രം:യോഗ അസ്സോസിയേഷൻ ഓഫ് കേരള, ചെറുതോണി, ഇടുക്കി. ഫോൺ: 9495810510