മുഖ്യമന്ത്രിയുടെ ഗൺമാൻമാർ മർദ്ദിച്ച സംഭവത്തിൽ അന്വേഷണ ഉദ്യോഗസ്ഥർ ആവശ്യപ്പെട്ട പ്രകാരം രണ്ടുതവണ പെൻഡ്രൈവിലും ഒരുതവണ സിഡിയിലും മർദ്ദന ദൃശ്യങ്ങൾ കൈമാറിയിരുന്നെന്ന് കെ എസ് യു ജില്ലാ പ്രസിഡൻ്റ് എ ഡി തോമസ്.
അന്വേഷണത്തിന്റെ തുടക്കം മുതൽ ക്രൈം ബ്രാഞ്ച് ഉദാസീനമായ നടപടികളാണ് സ്വീകരിക്കുന്നത്.നിയമനടപടികളുമായി മുന്നോട്ടു പോകുമെന്നും തോമസ്.
മർദ്ദന ദൃശ്യങ്ങൾ ലഭിച്ചില്ലെന്ന വാദം ഉയർത്തി ഗൺമാൻമാർക്ക് എതിരായ കേസ് അവസാനിപ്പിക്കാൻ ക്രൈം ബ്രാഞ്ച് കോടതിയിൽ റഫറൻസ് റിപ്പോർട്ട് നൽകിയിരുന്നു.
നവ കേരള യാത്രക്കിടെ ആലപ്പുഴയിൽ മുഖ്യമന്ത്രിയെ കരിങ്കൊടി കാണിച്ചതിന് തോമസിനെയും യൂത്ത് കോൺഗ്രസ് നേതാവ് ജൂവലിനെയുമാണ് പോലീസുകാർക്കൊപ്പം ചേർന്ന് ഗൺമാൻമാരും മർദ്ദിച്ചത്.