നായർ സർവീസ് സൊസൈറ്റിയുടെ പ്രതിനിധി സഭയിലേക്കുള്ള 118 ഒഴിവുകളിൽ 110 പേരെ എതിരില്ലാതെ തിരഞ്ഞെടുത്തു.49 താലൂക്ക് യൂണിയനുകളിലായി ഉണ്ടായ 118 ഒഴിവുകളിലാണ് 110 പേരെ എതിരില്ലാതെ തിരഞ്ഞെടുത്തത്. ആകെ 300 പ്രതിനിധിസഭാംഗങ്ങളാണു ള്ളത്. 3 വർഷമാണ് കാലാവധി.ജനറൽ സെക്രട്ടറി ജി. സുകുമാരൻ നായർ, പ്രസിഡന്റ് ഡോ. എം. ശശികുമാർ, വൈസ് പ്രസിഡന്റ് എം.സംഗീത് കുമാർ, മന്ത്രി കെ.ബി.ഗണേഷ് കുമാർ, സെക്രട്ടറി ഹരികുമാർ കോയിക്കൽ ഉൾപ്പെടെയുള്ളവർ വീണ്ടും തിരഞ്ഞെടുക്കപ്പെട്ടു.കൊല്ലം, അമ്പലപ്പുഴ, മുകുന്ദപുരം താലൂക്കുകളിലായി 8 പ്രതിനിധിസഭാംഗങ്ങളുടെ ഒഴിവിലേക്കുള്ള തിരഞ്ഞെടുപ്പ് മാർച്ച് ഒന്നിന് നടത്തും.