വളയം കുറുവന്തേരിയിൽ ഗൃഹപ്രവേശനത്തിന് എത്തിയ 14-കാരന് അക്രമണത്തിൽ ഗുരുതര പരിക്ക്.കോഴിക്കോട് കല്ലാച്ചി പയന്തോങ്ങ് സ്വദേശി നാദ്ൽ (14) നാണ് പരിക്കേറ്റത്. ഗുരുതരമായി പരിക്കേറ്റ കുട്ടിയെ കോഴിക്കോട് മെഡിക്കൽ കോളജിൽ പ്രവേശിപ്പിച്ചു. ഗൃഹപ്രവേശന ചടങ്ങിൽ മറ്റൊരു കുട്ടിയുമായുണ്ടായ വാക്കേറ്റമാണ് സംഘർഷത്തിൽ കലാശിച്ചത്. കുട്ടിയുടെ മൂക്കിനാണ് ഗുരുതരമായി പരിക്കേറ്റത്. വിഷയം പുറത്തുള്ളവർ ഏറ്റെടുത്തത് സംഘർഷത്തിൽ കലാശിക്കുകയും നാദ്ലിന് ക്രൂര മർദ്ദനമേൽക്കുകയായിരുന്നു. നാദാപുരം താലൂക്ക് ആശുപത്രിയിൽ പ്രവേശിപ്പിച്ച നാദ്ൽനെ വടകര ജില്ല ആശുപത്രിയിലേക്കും പരിക്ക് ഗുരുതരമായതിനാൽ കോഴിക്കോടേക്കും മാറ്റുകയായിരുന്നു. സംഘർഷത്തിൽ കുറുവന്തേരി സ്വദേശി അർഷാദ് (14) എന്ന കുട്ടിക്കും മർദ്ദനമേറ്റതായി പരാതിയുണ്ട്. അർഷാദിന്റ പരാതിയിൽ വളയം പോലീസ് കേസെടുത്തിട്ടുണ്ട്.