കേരള ബ്ലാസ്റ്റേഴ്സ് എഫ് സി തങ്ങളുടെ പുതിയ ഗോള്കീപ്പിംഗ് പരിശീലകനായി അലക്സ് ഒർട്ടിസ് സാഞ്ചസിനെ നിയമിച്ചതായി ഔദ്യോഗികമായി സ്ഥിരീകരിച്ചു.സ്പാനിഷ് പരിശീലകനായ സാഞ്ചസ്, മുഖ്യ പരിശീലകൻ ഡേവിഡ് കാറ്റലയുടെ ബാക്ക്റൂം ടീമില് ചേരും. സ്ട്രെങ്ത് & കണ്ടീഷനിംഗ് കോച്ച് അലക്സ് മോറ, സഹപരിശീലകൻ ടി ജി പുരുഷോത്തമൻ എന്നിവർ ഉള്പ്പെടുന്നതാണ് കാറ്റലയുടെ നിലവിലെ പരിശീലകസംഘം.സ്പാനിഷ് ഫുട്ബോളില് നിന്നുള്ള മികച്ച അനുഭവസമ്ബത്തുമായാണ് സാഞ്ചസ് ബ്ലാസ്റ്റേഴ്സിലേക്ക് എത്തുന്നത്. യൂറോപ്പിലെ നിരവധി ക്ലബ്ബുകളില് ഗോള്കീപ്പിംഗ് സ്പെഷ്യലിസ്റ്റായി അദ്ദേഹം പ്രവർത്തിച്ചിട്ടുണ്ട്. ടെക്നിക്കല് സ്റ്റാഫിനെ ശക്തിപ്പെടുത്താനും എല്ലാ മേഖലകളിലും കളിക്കാരുടെ വികസനം മെച്ചപ്പെടുത്താനുമുള്ള ബ്ലാസ്റ്റേഴ്സിന്റെ തുടർച്ചയായ പ്രതിബദ്ധതയാണ് ഈ നിയമനം പ്രതിഫലിപ്പിക്കുന്നത്. പുതിയ സീസണ് അടുത്തിരിക്കെ, അദ്ദേഹത്തിന്റെ വൈദഗ്ദ്ധ്യം ഗോള്പോസ്റ്റിന് താഴെ ടീമിന്റെ പ്രകടനങ്ങളെ ഉയർത്താൻ സഹായിക്കുമെന്ന പ്രതീക്ഷയിലാണ് ആരാധകർ.