കേരളത്തിലെ കരകൗശല വിദഗ്ധരെ ആദരിക്കുന്നതിന് നല്കുന്ന സംസ്ഥാന കരകൗശല അവാര്ഡ്-2024ന് തിരുവനന്തപുരം ജില്ലയില് നിന്നുള്ള കരകൗശല വിദഗ്ധരില് നിന്ന് അപേക്ഷ ക്ഷണിക്കുന്നു. ദാരു ശില്പങ്ങള്, പ്രകൃതിദത്ത നാരുകളില് തീര്ത്ത ശില്പങ്ങള്, ചരട്, നാട, കസവ് എന്നിവ ഉപയോഗിച്ചുള്ള ചിത്രത്തുന്നല്, ലോഹ ശില്പങ്ങള്, ചിരട്ട ശില്പങ്ങള്, വിവിധ വസ്തുക്കളില് നിര്മ്മിച്ച കലാരൂപങ്ങള് എന്നീ വിഭാഗങ്ങളിലാണ് അപേക്ഷ പരിഗണിക്കുന്നത്.ഓരോ വിഭാഗത്തിലും ഓരോ സംസ്ഥാന അവാർഡ് ജേതാവിനെയും സംസ്ഥാന മെറിറ്റ് സർട്ടിഫിക്കറ്റ് ജേതാവിനെയും തെരഞ്ഞെടുക്കും. സംസ്ഥാന അവാർഡ് ജേതാവിന് 50,000 രൂപയും ശില്പവും അംഗ വസ്ത്രവും ലഭിക്കും. സംസ്ഥാന മെറിറ്റ് സര്ട്ടിഫിക്കറ്റ് ജേതാവിന് 25,000 രൂപ സമ്മാനത്തുക നല്കും. അപേക്ഷാ ഫോം താലൂക്ക് വ്യവസായ ഓഫീസുകളില് നിന്നും ലഭിക്കും. അവസാന തീയതി നവംബര് 14.