ഗാന്ധിജയന്തി വാരാഘോഷത്തോടനുബന്ധിച്ച് തിരുവനന്തപുരം ജില്ലാ ഇന്‍ഫര്‍മേഷന്‍ ഓഫീസ്, പട്ടിക വർഗ വികസന വകുപ്പുമായി സഹകരിച്ച് ക്വിസ് മത്സരം സംഘടിപ്പിച്ചു. ജില്ലയിലെ പട്ടിക വർഗ വകുപ്പിന് കീഴിലുള്ള ഹൈസ്കൂൾ വിദ്യാർത്ഥികൾക്കായി നടന്ന മത്സരത്തിൽ ഇൻഫർമേഷൻ പബ്ലിക് റിലേഷൻസ് വകുപ്പ് അസിസ്റ്റന്റ് എഡിറ്റർ അമിത് എം എസ് ക്വിസ് മാസ്റ്ററായി*.
ജി കെ എം എം ആർ എസ് കുറ്റിച്ചലിലെ ആദിദേവ്, പ്രഭനേഷ് എന്നിവർ ഒന്നാം സ്ഥാനത്തിനും ശ്രീലക്ഷ്മി, ബബിത എന്നിവർ രണ്ടാം സ്ഥാനത്തിനും അർഹരായി. കട്ടേല എംആർഎസിലെ നേഹ സുനിൽ, ഗൗരി ഷാജി എന്നിവർ മൂന്നാം സ്ഥാനത്തിനർഹരായി.
കട്ടേല സ്കൂളിൽ നടത്തിയ ക്വിസ് മത്സരത്തിലെ വിജയികള്‍ക്ക് ഇൻഫർമേഷൻ പബ്ലിക് റിലേഷൻസ് വകുപ്പ് ഡെപ്യൂട്ടി ഡയറക്ടർ ശൈലേന്ദ്രൻ സമ്മാനങ്ങള്‍ വിതരണം ചെയ്തു. ക്യാഷ് പ്രൈസും സര്‍ട്ടിഫിക്കറ്റും പുസ്തകങ്ങളും അടങ്ങുന്നതാണ് പുരസ്‌കാരം.ഐ ടി ഡി പി പ്രൊജക്ട് ഓഫീസർ മല്ലിക, എം ആർ എസ് കട്ടേല സ്കൂൾ പ്രിൻസിപ്പൽ ജിനബാല, ഹെഡ്മാസ്റ്റർ രവികുമാർ തുടങ്ങിയവർ സംസാരിച്ചു.