കുടുംബശ്രീ ഇടുക്കി ജില്ലാമിഷന് അഴുത, അടിമാലി ബ്ലോക്കുകളില് കമ്മ്യൂണിറ്റി കൗണ്സിലര് തസ്തികയിലേക്ക് വനിതകളില് നിന്ന് അപേക്ഷ ക്ഷണിച്ചു. കരാറടിസ്ഥാനത്തിലാണ് നിയമനം. യോഗ്യത: എം.എസ്.ഡബ്ല്യു (MSW), എം.എ. സോഷ്യോളജി, എം.എ./എം.എസ്.സി. സൈക്കോളജി, വുമണ് സ്റ്റഡീസ് എന്നിവയില് ഏതെങ്കിലും ബിരുദാനന്തര ബിരുദം, കമ്പ്യൂട്ടർ പരിജ്ഞാനം. വെള്ളക്കടലാസില് തയ്യാറാക്കിയ അപേക്ഷയോടൊപ്പം ബയോഡേറ്റ, വിദ്യാഭ്യാസ യോഗ്യത, പ്രായം, മേൽവിലാസം എന്നിവ തെളിയിക്കുന്ന രേഖകളുടെ സ്വയം സാക്ഷ്യപ്പെടുത്തിയ പകര്പ്പുകള് ഉള്ളടക്കം ചെയ്യണം. മുന്ഗണന തെളിയിക്കുന്ന രേഖകളും ചേര്ക്കണം. അപേക്ഷ അയല്ക്കൂട്ടത്തിന്റെ സെക്രട്ടറി/പ്രസിഡന്റ്, എ.ഡി.എസ്. ചെയര്പേഴ്സൺ/സെക്രട്ടറി, സി.ഡി.എസ്. ചെയര്പേഴ്സൺ/സെക്രട്ടറി എന്നിവരുടെ സാക്ഷ്യപ്പെടുത്തല്/മേലൊപ്പ് എന്നിവ സഹിതം നാളെ വൈകുന്നേരം 5 മണിക്ക് മുന്പായി ജില്ലാമിഷന് കോ-ഓര്ഡിനേറ്റര്ക്ക് സമര്പ്പിക്കണം. കുടുംബശ്രീ അംഗങ്ങള്/കുടുംബാംഗങ്ങള്/ഓക്സിലറി ഗ്രൂപ്പ് അംഗങ്ങള് എന്നിവര്ക്ക് മുന്ഗണന ലഭിക്കും. കൂടുതല് വിവരങ്ങള്ക്ക് ഫോണ്: 04862 232223