കേരള നേതാക്കളെ ഡൽഹിക്ക് വിളിച്ചു കോൺഗ്രസ് ഹൈക്കമാൻഡ്.നാളെ നിർണ്ണായക ചർച്ച.പ്രതിപക്ഷ നേതാവ് വി.ഡി സതീശനും കെപിസിസി അധ്യക്ഷൻ സണ്ണി ജോസഫും നാളെ ഡൽഹിയിലെ ചർച്ചയിൽ പങ്കെടുക്കും. നിർണായക സ്ഥാനാർഥി ചർച്ചയ്ക്കാണ് ഇരുവരേയും ഡൽഹിക്ക് വിളിപ്പിച്ചത്. കോൺഗ്രസിന് മുമ്പേ സിപിഎമ്മിന്റെ സ്ഥാനാർഥി പട്ടിക പ്രഖ്യാപിക്കാനുള്ള സാധ്യത കൂടി മുൻകൂട്ടി കണ്ടാണ് ഹൈക്കമാൻഡ് നേതാക്കളെ നാളെ ചർച്ചയ്ക്ക് ക്ഷണിച്ചിരിക്കുന്നത്. സിറ്റിങ്, സംവരണം, തുടർച്ചയായി തോൽക്കുന്ന മണ്ഡലം എന്നിങ്ങനെ മൂന്ന് രീതിയിൽ ആദ്യഘട്ട സ്ഥാനാർഥി പ്രഖ്യാപനം നടത്താനാണ് ആദ്യം തീരുമാനിച്ചിരുന്നത്. എന്നാൽ, സംവരണ സീറ്റുകളിൽ ധാരണയായിട്ടില്ല.