ലീഗിന്റെ ആദ്യ വനിതാ എംഎല്എയായി ഫാത്തിമ തഹ്ലിയ.പേരാമ്പ്ര മണ്ഡലത്തിൽ 5087 വോട്ടുകളുടെ ഭൂരിപക്ഷം നേടിയാണ് യുഡിഎഫ് സ്ഥാനാര്ഥി വിജയിച്ചത്. ഫാത്തിമ തെഹലിയയ്ക്ക് 81429 വോട്ടുകളും പ്രധാന എതിരാളികളായ എല്ഡിഎഫ് സ്ഥാനാര്ഥി ടി പി രാമകൃഷ്ണന് 76342 വോട്ടുകളും എൻഡിഎ സ്ഥാനാർത്ഥി എം മോഹനൻ മാസ്റ്റർ 13042 വോട്ടുകളും നേടി.
ലീഗിൻ്റെ ആദ്യ വനിതാ എംഎല്എ എന്ന് നിലയില് നിയോഗമായി കാണുന്നുവെന്ന് ഫാത്തിമ തഹ്ലിയ പ്രതികരിച്ചു. സർക്കാരിൻ്റെ അധികാര മോഹത്തിനുള്ള തിരിച്ചടി. പേരാമ്പ്രയിലേത് വർഗീയ പ്രചരണങ്ങള്ക്കെതിരായ തിരിച്ചടി. പേരാമ്പ്ര മതേതര മണ്ഡലം. ലീഗിൻ്റെ ആദ്യ MLA എന്ന നിലയില് വലിയ ഉത്തരവാദിത്തമെന്ന് ഫാത്തിമ തഹ്ലിയ കൂട്ടിച്ചേർത്തു.
രണ്ടു വനിതകളാണ് ഇത്തവണ മുസ്ലിം ലീഗിന്റെ സ്ഥാനാർഥിപ്പട്ടികയില് ഇടം നേടിയത് – കൂത്തുപറമ്പില് ജയന്തി രാജനും പേരാമ്പ്രയില് ഫാത്തിമ തഹ്ലിയയും. ചരിത്രജയം നേടിയതോടെ, ലീഗിനു ലഭിക്കുന്ന മന്ത്രിസ്ഥാനങ്ങളിലൊന്നിലും പാർട്ടിയിലെ വനിതാ പ്രാതിനിധ്യം ഉറപ്പിച്ച് തഹ്ലിയ എത്തുമോ എന്നാണു രാഷ്ട്രീയ കേരളം ഉറ്റുനോക്കുന്നത്.