ലിവർപൂള്‍ താരമായിരുന്ന മുഹമ്മദ് സലാഹ് ഇനി തുർക്കിഷ് സൂപ്പർ ലിഗ് ക്ലബ്ബായ ട്രാബ്സണ്‍സ്പോർ താരം.കഴിഞ്ഞ ദിവസം സലാഹിനെ ക്ലബ് ആരാധകർക്ക് മുന്നില്‍ അവതരിപ്പിച്ചു.ഫ്രീ ട്രാൻസ്ഫറിലൂടെയാണ് താരം പുതിയ ക്ലബിലെത്തിയിരിക്കുന്നത്. ഒൻപത് വർഷം ലിവർപൂളിനായി കളിച്ച ശേഷമാണ് താരം പുതിയ തട്ടകത്തിലേക്ക് കൂടുമാറുന്നത്.2017ല്‍ ഇറ്റാലിയൻ ക്ലബ്ബായ എ.എസ് റോമയില്‍ നിന്നാണ് സലാ ഇംഗ്ലീഷ് പ്രീമിയർ ലീഗ് ഭീമന്മാരായ ലിവർപൂളിലേക്ക് എത്തുന്നത്. തുടർന്ന് ക്ലബ്ബിന്റെ എക്കാലത്തെയും മികച്ച ഇതിഹാസ താരങ്ങളുടെ പട്ടികയിലാണ് ഈജിപ്ഷ്യൻ താരം സ്വന്തം പേര് കൂട്ടിച്ചേർത്തത്. ലിവർപൂളിനായി കളിച്ച 435 ഔദ്യോഗിക മത്സരങ്ങളില്‍ നിന്ന് 255 ഗോളുകളാണ് ഈ വിംഗർ അടിച്ചുകൂട്ടിയത്. ഇതോടെ ലിവർപൂളിന്റെ ചരിത്രത്തിലെ എക്കാലത്തെയും മികച്ച ഗോള്‍വേട്ടക്കാരുടെ പട്ടികയില്‍ മൂന്നാം സ്ഥാനത്ത് ഫിനിഷ് ചെയ്യാനും സലാഹിന് സാധിച്ചു. പുറമെ, ഇംഗ്ലീഷ് പ്രീമിയർ ലീഗിലെ ഏറ്റവും മികച്ച ഗോള്‍വേട്ടക്കാരനുള്ള ‘ഗോള്‍ഡൻ ബൂട്ട്’ പുരസ്കാരം നാല് തവണയാണ് സലാ താരത്തിന്റെ അക്കൗണ്ടിലാക്കിയത്.