ഗുരുവായൂരിൽ റെക്കോഡ് കല്യാണ ബുക്കിംഗ്: ഒറ്റ ദിവസം നാനൂറോളം വിവാഹങ്ങൾക്ക് സാധ്യത.ചിങ്ങ മാസത്തിലെ ആദ്യ ഞായറാഴ്ച ഗുരുവായൂർ ക്ഷേത്രത്തിൽ റെക്കോഡ് വിവാഹ ബുക്കിംഗ്. നിലവിൽ 392 വിവാഹങ്ങളാണ് ബുക്ക് ചെയ്തിട്ടുള്ളത്. ഈ മാസം 23-ാം തീയതി ഞായറാഴ്ച വരെ ബുക്കിംഗിന് അവസരമുള്ളതിനാൽ ആകെ കല്യാണങ്ങളുടെ എണ്ണം 400 കടക്കുമെന്നാണ് പ്രതീക്ഷിക്കുന്നത്. 2024 സെപ്റ്റംബർ 8-ന് നടന്ന 334 വിവാഹങ്ങളാണ് ഗുരുവായൂരിലെ നിലവിലെ റെക്കോഡ്. വിവാഹ ബുക്കിംഗ് കുത്തനെ ഉയർന്ന പശ്ചാത്തലത്തിൽ കൂടുതൽ സൗകര്യങ്ങളൊരുക്കാൻ ദേവസ്വം തീരുമാനിച്ചിട്ടുണ്ട്. നിലവിൽ 4 മണ്ഡപങ്ങളുള്ള ഗുരുവായൂരിൽ അഞ്ച് മണ്ഡപങ്ങൾ കൂടി പുതുതായി ഒരുക്കാനാണ് ദേവസ്വത്തിന്റെ തീരുമാനം.